群記清湯腩 (Closed)

我由港島去，地鐵轉火車再轉的士，成個幾鐘，試咗淨爽腩、油菜，哇哇哇，真係好食到飛起真材實料、一試就知道係俾心機煮、老老實實的一間好店。（唔似有啲鋪，收你貴嘅價錢比普通牛腩你，你問佢，仲要話有啲客唔識食，真係無語🥶🥶）。呢兩日我又諗起嗰日食到我心花怒放，又開始心思思啦，個幾鐘算咩，因為值得。怒贊

終於終於終於食到爽腩喇！！說不出的爽呀真係!星期六,一點零入到去，人龍不算太長都係等左大概廿分鐘。等既時候非常擔心會賣哂爽腩好好彩入到去叫到最後一份淨爽！！重每人叫左一個牛面珠粉～牛面珠唔肥，但肉質軟稔個人覺得比起普通牛腩好食d!然後爽腩就黎到！！一望就知真係唔同d成碗都係膠質重既腩！個種口感真係普通牛腩完全無得比！好似食緊一層骨膠原又有少少似豬手皮，但係又無咁稔真係好食到唔捨得食哂 群記另一重點就係個牛骨湯三個碗都飲到一滴都無！

對於廣東湯麵擁有一份深厚的感情，這份感情基礎於稚齡開展，然後隨著閱歷而日漸變濃！幼童時，我們由外婆照顧，外公在假日必會牽著我們三姊弟到北角邨巴士總站對面的一間小麵店，只知道乖乖吃過雲吞麵後，外公便會帶我們到海邊散步，重點是每人可享雪糕一杯。那時不懂吃為何物的我們，就這樣對雲吞麵懷有美好的印象。小學階段，寄居在伯娘家，因宗教關係不能吃牛，偶然在外偷偷嚐個漢堡包，牛腩湯粉加辣椒油更是我的至愛！進入社會工作，第一次長途旅行回港，心中渴望的竟是一碗牛腩湯粉..........直至現在牛腩湯粉仍是我百吃不厭的麵食。當天走畢大刀屻，肚子在咆哮，不惜從粉嶺返回大埔，就是為了食友 「Lawrence Lau」多年前推介的「群記清湯腩」。幸好抵步那刻不用排隊輪候，進內時發現座位大致全滿，我們算是走運了！餐牌一面中文、另一面是英文，顯得很認真！細看內容，其實內藏不少規矩，例如「不設雙拼」、「不設加湯」等。事前沒有詳細查閱，下單時便碰釘了！被幾根釘子釘過後，成功要來了清湯肥牛腩湯河，有點灰濛濛的賣相，不算得吸引！一呷清湯，醇甜濃厚、富有牛香、質感順暢而不油，就是那種一入口已叫人喜歡的自然味兒，當然不能抹殺料

難得秒秒鐘幾廾萬上落嘅友人放假梗是請佢帶我吃好野啦平日下午 4 時許，等候大概 5 分鐘便有位了友人對於我的第一次光顧表示乜都好食樣樣都想叫喔⋯⋯ 咁你幫我決定埋食咩啦唔該左前方是牛面珠河上桌哇！個湯咁嘅色好難令我覺得佢係流喎一飲痴線駛唔駛咁好飲啊味濃到你覺得佢係用咗一千億幾斤牛骨烹煮咗一萬年得來嘅結果牛面珠唔是個人喜歡的肉質偏硬而瘦右後方是牛脷河痴線淋得你又唔係淋到無硬口喎個軟硬程度啱啱好啊有油香無油膩河粉就河粉囉唔係碎上囉唔會食到最後變河溶囉好啦為今日假期食到好野感到高興之時友人表示意猶未盡來多個淨爽腩痴線好食到丫友人認為此爽腩肉質太淋個人正正為淋得你歡喜若狂你見到嗎？痴住筋肉的膠啊友人說此湯不同彼湯二話不說一羮到口痴線駛唔駛咁膠啊友人續解說，因此湯並未被煮河粉水溝淡有意思有意思難得的是膠而不漿口難得的是吃完全不黏牙難得的是飲見碗底無口渴好好味啊！