新仙清湯腩咖哩專門店 (Closed)

坐落於油麻地核心地帶之一。小小的門面吸引着無數嘅人進出。吸引了我也進入試一試出名的清湯腩。新仙新鮮，今晚咩好？最後決定點性價比最高的一人餐A裏有一客清湯腩、兩款小食、時菜、白飯清湯腩。滿分之作。由牛腩到蘿蔔到湯底都無可挑剔。蘿蔔微甜，無苦澀味，無渣無沙，而且煮得夠耐，蘿蔔夠淋，湯汁完全被吸收。清湯內存在著淡淡的牛腩味，用有配飯吃一流。而牛腩當然做得最好，無用牛根充數，選料上亦只用到最瘦的部分。再加上炆得夠淋，同蘿蔔、清湯相輔相成，做就出滿分清湯腩。真係啖啖肉，絕無偷雞。兩款小食:鯪魚肉釀青椒，家鄉煎鯪魚飯。雖然兩款都是用油煎炸，但一點也不油膩，鯪魚肉亦都打得夠彈牙。食得太清淡，多點一客麻辣雲呑。出乎意料之外辣到一個地步，千萬不要跟清堂腩同時進食，麻辣感絕對會蓋過腩味，建議最後才吃。每一顆雲呑有兩至三隻蝦，交足貨👍已經諗定下次過黎吃飯一定點咖哩試試味道🙈

數數手指, 原來上次光顧新仙已經差不多是四年前了, 今晚因為要上堂的關係, 趕急地先來吃點東西. 晚上約八時, 店內人客也算多, 幾近滿坐, 幸好環境仍算寬敞.環境跟上次已經不同, 店子好像裝修過, 牆身也加了不少照片做裝飾. 拿起餐牌, 印刷比以前精美得多, 更多了一個連續四年獲米芝蓮推介的logo, 真是今非昔比. 時間趕急, 沒有細看之下, 快速地點了碗清湯腩河. 清湯腩河 (細) $38老爸一直都說半肥瘦的牛腩最好吃, 不過礙於怕肥, 加上上次點的小肥清湯腩, 結果送來的是全瘦清湯腩, 所以今次括出去, 吃半肥瘦清湯腩河! 今次沒有指明要爽腩或坑腩, 半肥瘦的清湯腩入口較軟滑, 脂肪也不算多, 不黏牙, 牛味不俗, 乃水準之作. 碗內的一大塊的蘿蔔, 味道仍舊清甜, 入口沒有渣, 炆的夠軟腍, 十分美味! 河粉的質素也有改善, 沒有以前"一夾即斷"的問題, 口感也算滑溜, 不過由於點了細碗的關係, 粉量不多, 食量大的可能不夠.闊別四年, "新仙"改善了, 說的不只是環境, 還有食物質素, 不過價錢也有不少"改善"!  能夠連續四年獲得"車胎人"的牛腩推介, 自然有它的特色.

位於油麻地砵蘭街既新仙清湯腩入選左米芝蓮指南，教人幾驚訝。我食過兩次，發現水準其實不穩定。如果要上樓上食既話，大家要小心地滑，因為真係好跣。樓上衛生麻麻，枱上有d 黑色既一點點，可能係...算啦，眼不見為乾淨。清湯腩河粉 ($37)上次其實發覺牛腩幾爽口唔錯，今次我發現清湯腩有幾夠仍然爽口，但有啲就un左少少，牛味不太濃。水準不太穩定。蘿蔔方面幾甜。整體都ok，但心目中有幾間比呢間更好都未入到米芝蓮，比較可惜。