鹿鳴春飯店 (Closed)

每次回港總是心掛掛這裡的雞鮑翅，唔食唔安樂, 這間老店已經有很久遠的歷史，地址亦偏僻，如果要食環境和裝修，這裡就欠奉，但食物品質有一定的保證，伙計都是上了年紀的，與餐廳的年齡同步邁進。 砂鍋雞鮑翅，唔係用湯匙來飮，係用筷子夾起來食，入口還要咀嚼一會.十分彈牙和爽甜，羹湯烹調成奶白色，好像飲牛奶咁，又香濃又滑，重好糊口，骨膠原好重呀，價格重好便宜添，大大窩供十二人用，只是八百元，物超所值。京鴨亦是必食之選，鴨燒得剛好，皮甘香，用來包鴨的餅皮做到好軟綿綿，而鴨肉亦能保持濕潤. 腌製得好可口，有時什至會將它與鏞記的焼鵝來比較，覚得它有過之而冇不及添，我 Honey 係鴨痴，在這裡定能滿足他的要求。清炒河蝦 - 因是河蝦關係，體積比較細隻, 但十分鮮甜和爽口 干燒牛肉絲 - 做得都非常出色可口干貝賽磅蟹，亦是本人至愛，蛋白和魚肉比例剛好，炒功一流，好鮮甜，好滑流，合上眼食落去真是以為自己食緊蟹肉，家人全不愛吃西芹，所以從不在家裏有得食，但出街總愛點這道菜以慰單思之苦，太貪心叫了兩碟，結果有剩餘，浪費了食物和金錢，實在不該 其餘的多款小菜，麵條就一般水準

今日終於一嘗 <鹿鳴春> ！！記得數個月前，本來一家人興致勃勃計劃去呢間飯店同爸爸慶祝生日。但係，早一星期去訂位，得來的答覆係：對唔住，呢日o的位己經book晒。一間要兩星期前訂位的餐廳，咁多客實有佢原因。今次，決定一個月前book定位，為o既就係一試傳說中的<鹿鳴春>。我同女朋友六點九己經到o左<鹿鳴春>樓下。第一眼，只係見到一塊細小o既招牌，同一個不顯眼o既舊唐樓入口，平時經過都唔會望多一眼。經過唐樓入口之後，就見到一條長長而且陰暗o 既樓梯，一副老店的格局。行到上去，見到一個阿叔招呼客人，同其他老店一樣，呢度o既侍應都係四五十歲的阿叔，想搵一個女性都難。個阿叔好似記得晒今日邊個訂o左枱同訂幾多位咁，我只係講錯o左人數，佢就露出一幅疑惑o既樣。之後我更正返，佢就立即帶我地去張枱度坐低。一坐底，覺得環境不錯。而且亦不算太迫夾。係我地仲視察緊環境個陣。個侍應己經好快咁放低o左兩壺茶，同埋放低o左兩小碟菜。 花生不錯，老媽食得出佢係炒花生唔係焗，入口亦很香口。在上第二道菜前，呢兩碟小菜同花生己好快咁比各人掃清光。我地望住個餐牌，唔知係太花多

訂了位吃端午節的晚飯沒有吃幾乎每檯也有的片皮鴨，因為怕油膩。點了燉翅和幾個小菜砂鍋雞燉翅 - 用料十足，物有所值海哲 - 冷盤還可以京式烤羊 - 烤得卜卜脆，羊亦十分嫩口奶油津白 - 還可以清炒河蝦 - 好食多茄汁蝦很多，這樣吃才感受到鮮味生炒骨 - 自己覺得唔錯，但家人們似乎不太欣賞三絲燴麵 - 燉雞湯底，夠哂清甜葱油餅 - 新鮮熱辣，夠哂脆口蒸餃子 - 自已覺得一般，家人們卻很喜歡豆沙鍋餅 - 漏單...無上到