緣聚 (Moved) New Location

一早就聽聞元朗好多好野食，難得放假，就同三位朋友一齊黎到元朗食大餐。朋友們想食放題，上OPENRICE睇睇，就選這間緣聚。6點左右黎到店面，就睇到大大個易拉架價錢LIST，7點前每位148，好抵，二話不說就選擇這間啦~款式都算多，尤其是飲品，好少日本放題有咁多飲品可以選擇，抵讚。第一件事當然就是叫清酒啦，我的最愛，任飲，當然要不醉無歸啦。之後就唔少得刺身，這裡的刺身款式多，尤其是鮮帶子，好新鮮，正。這裡都有火鍋，我地就叫左海蝦肉、金菇、蟹柳等打邊爐必食之選~另外叫了焗蠔，又是必須要狂食的最愛，仲有羊鞍大蝦、金菇牛肉要講到一定要食的，當然仲有帆立貝、牛舌、清酒煮蜆啦，非常好食入黎元朗食野，食到咁平靚正的放題，不枉此行啦~

住在元朗一段時間的我，一直也知道元朗市有間西日式放題餐廳，位置就在士林台灣麵對面，方便易找，這天放工後與友一試!我們於7時左右到達餐廳，店內都已經有相當多客人了，想不到星期一晚上都這麼旺場. 9:00pm前入坐收費為$208，另收加一. 食物款式選擇眾多，由前菜/沙律、刺身、扒類、炸物、甜品以至飲品都是任點任食的，最適合多心，想一次吃盡多樣食物的朋友!店員送錯了清酒給我們，倒了出來才發現，為了不浪費下也喝了一杯，酒精味很重，個人本身很討厭喝清酒! 後來向店員說送錯了清酒，快速地換回一瓶梅酒，呷一口充滿果味的梅酒，比清酒好喝多了. 蟹籽沙律青瓜新鮮爽脆，加上大量蟹籽及沙律醬，相當開胃!三文魚/ 魚腩刺身三文魚刺身沒甚彈性、也沒魚油香，甚為失望; 至於三文魚腩，比三文魚刺身好多了，富魚油香甘香，質數較好. 帶子刺身Size小小的，要沾上豉油、芥末才好吃. 魷魚新鮮亦有彈性.蒜蓉西冷扒濃重醬汁的西冷扒，港式茶記的味道，肉質軟淋，但求有肉到肚. 黃金燒蠔燒蠔size小小的，不過醬汁調味幾好，有點似沙律醬的味道，再加香烤芝士，幾好吃的. 各式炸物大蝦天婦羅炸粉頗厚，內裡的蝦偏細，不過即炸熱辣辣.