NACASA Café & Bar (Closed)

上環真係好多特色小店，今日sis就帶咗我去一間超靚摩洛哥風咖啡店打卡，感受下異國風情！摩洛哥因為其獨特嘅歷史背景，融合咗多種文化，美麗又吸引！餐廳內掛咗大量彩繪玻璃燈、陶瓷、地毯、工藝盤等，樓上仲有好多打卡位，可以一邊感受異國風情一邊享受美食！溫泉蛋卡邦尼意大利粉（$138）香濃creamy嘅卡邦尼意大利粉，配料有好多煙肉同蘑菇，温泉蛋令整體口感富蛋香更順滑，增添滋味。喇沙海蝦意大利粉（$138）呢款fusion菜幾有驚喜！意大利粉偏乾身有咬口，少少辣加椰奶香，非常惹味！Queen Of Punch（$68）Berries加上cranberry juice，呢杯粉紅色漸層嘅mocktail非常IGable！Sunrise（$68）上層係espresso，下層係橙汁，富橙香但不苦澀，口味清新！

Bookmark咗呢間cafe好耐，放假就同朋友嚟試吓。平日1點幾嚟到，都好多人喎，果然係人氣cafe店。Cafe裝修風格係行摩洛哥風，但食物選擇都係一般大路嘢，有擔心過會唔會淨係可以打卡🤓但小薯比較着重味道，好彩味道好ok🥹主食叫咗和牛漢堡配薯條（$138）同溫泉蛋卡邦尼意大利粉（$138），兩個味道都好好。塊牛多汁又嫩，配埋酸瓜同番茄同菜，口感同味道層次提升咗，中和返牛嘅濃味，薯條好脆，份量足。試咗朋友少少嘅意粉，相當creamy，夠晒入味。跟餐附送飲品，叫咗latte但轉涷飲同oat milk，要分別加$3同$8。都叫咗熱jasmine tea。無咩特別。味道其實好ok，但意粉價格有啲進取。最後仲叫埋甜品，Honey Cake同earl grey roll cake，錯別都係$62。Honey cake對我嚟講太甜，不過幾有層次嘅，Roll cake都ok。同樣地，價格有啲太高。