July Coffee & Co.

Open Now

Now Closed

這間咖啡店位於深井村，深井予人感覺好偏僻，週末光顧時原來還需要等位。咖啡店給我的感覺很自動化，每個座位貼了一張獨有的二維碼，食客用手機掃描點餐，可以順便用電子支付。咖啡店的意粉性價比好高，一碟溫泉蛋明太子蟹肉意粉索價$68，意粉份量足夠，而且味道不錯，很多汁。我最喜歡將溫泉蛋蛋黃刺破，蛋液混合在明太子醬裏。咖啡店中文名字是七月，有杯咖啡特飲叫「盛夏」。盛夏似乎是美式咖啡，浸泡著一片菠蘿。飲落都有菠蘿的甜味，與咖啡味好配搭。溫泉蛋明太子蟹肉意粉 $68七月特飲 盛夏 $48🟡

同友人行山前先食飽飽再出發，友人說曾幫襯過依間餐廳覺得值得再Encore，反正我未食過，GoGoGo🙆🏻‍♀️！點餐要Scan QR Code，自己輸入想Order嘅食物、飲品，食物、飲品就會自動送到你檯，都幾方便。友人Order了溫泉蛋明太子蟹肉意粉佢話味道比較清淡但好好味！我就Order泰式冬陰功虎蝦意粉除咗4隻虎蝦，仲有5隻青口。虎蝦幾彈牙，青口有海水味，意粉又煮得啱啱好，小小辣，唔錯唔錯！👍🏼👍🏼👍🏼熱朱古力同杯Flat White都好飲，但友人同我都覺得如果可以再熱啲就Perfect！我哋對呢一餐都好滿意！😊值得推介！👍🏼👍🏼👍🏼

即將新婚，準備搬入深井，吃慣了附近的茶餐廳， 開始留意到這間白色小cafe。然而網上評價令人卻步，今天一個人選擇午膳地點時，還是想決心試試。點的是午餐溫泉蛋明太子蟹肉意粉， 同瘦身必備走奶走糖黑咖啡。可能因為客人不是太多，等餐時間很短，食物質素也不錯。 蟹肉份量足夠，溫泉蛋也很流心，$68+$4凍飲，繁忙之中一點悠閒，大滿足，又有氣力去準備結婚的事情。小店經營不容易，會多多支持，希望深井美食會有另一番光景，畢竟長住，淨係得茶餐廳同燒鵝搞唔掂啊。