燒肉牛蔵 (Closed)

一心以為要等位, 誰不知原來這裡晚飯時間竟然連半場都坐不滿, 很驚訝呢總括來說, 這家餐店的套餐不是最'抵食之選', 同區的同級選擇絕對有較化算的比較, 食物方面尚算新鮮, 但不是最出色, 尤其招牌牛肉, 稱不上是'no. 1'呢! 刺身新鮮, 美味程度還可以, 服務態度好, 職員友善殷勤, 應記一功

最近出咗雙糧, 所以同男友睇完戲之後去食餐好, 目標本來鎖定 iSquare 的名家食韓燒, 但係, 我又八八卦卦咁想去睇吓有無其他野食, 結果, 行到7樓, 男友已經餓到 (成日無食過野呀) 要即刻搵地方落腳. 由於當時6點幾, 所以間間食店都無咩人, 好易搵位, 見牛藏餐牌上套餐包羅萬有, 啱哂我要咩有咩既喜好, 所以入去, 即刻點咗個叫 '梅' 的二人餐. 待應即時送上薯仔沙律, 原來係人人有份, 當然埋單會計埋數啦. 二人餐包括有櫻花蝦沙律, 個芝麻汁好好味, 加埋櫻花蝦, 咸咸地都幾好味. 跟住再黎刺身拼盤, 有隻白色魚 (唔知叫咩名) 爽爽地口感幾好, 另外有三文魚, 帶子, 蝦, 重有大粒三文魚子, 好新鮮! 之後有味噌湯, 雖然我對味噌湯無咩好感, 睇在加咗個蝦頭份上, 都飲哂, 又幾鮮甜噃, 個蝦頭. 跟住就到主菜燒肉拼盤, 其實另外有個套餐係全牛, 不過我地點咗呢個有雞, 豬, 牛舌, 牛肋骨加主角和牛的套餐, 樣樣試吓無咁悶嘛, 加上我係牛趙牡丹的人, 無謂浪費靚牛啦, 哈哈! 豬肉最肥美, 所以燒時要小心搶火, 我都差啲被火燒到, 記住較返細火燒. 食得肉多有啲