Fish & Chick (高街) (Closed)

食均全世界第五站就嚟到英國🇬🇧咁講到英國就難免會諗起fish & chips🐟🍟所以今次就嚟咗呢間fish&chick嚟食fish&chips 啦🤣店面雖然唔大但裝修幾colorful,都適合同朋友嚟飲啤酒食炸魚chitchat下🍻🍻🍻今次叫嘅係大比目魚,講真一上菜見到佢咁辛苦縮埋一舊已經覺得怪怪哋🤣因為我平時見到嘅不嬲係平嘅🙈食咗一啖後,口感還可以,皮幾薄又炸得香口,不過！魚肉有一陣怪味,好似有少少變質咁,一開始以為係得我自己食到不過問落原來男朋友都係就放棄咗魚去食薯條🤣厚切薯條係幾好食嘅所以俾面佢俾一粒星海鮮籃幾豐富,有魚魷魚蝦蟹球同fish fingers,全部都炸得香脆又足料,個魚好食過上面嗰個好多🤣🤣最後嘅carrot cake都唔錯,唔會好甜,上面嗰層cream cheese更係加咗不少分

炸嘢幾時都大有市場架啦，見到堅尼地城嘅「Fish & Chick」晌西營盤開咗分店，知佢哋專注做炸魚薯條，烤雞又出色，而其中一位表姨甥女就讀港大，佢又幾鍾意食炸嘢，最啱就搵埋佢食番餐，聚一聚啦。我哋兩個都算瘦底，就算成餐都炸嘢，絕對遊刃有餘。餐廳就位處高街鬼屋行落啲，依家有港島延線，由西營盤站行高嚟無幾耐就到，十分方便。對比起堅離地城店及觀塘店，呢間相對細啲，但裝飾簡潔而企理，周圍擺得最多嘅擺設就喺雞。菜式方面，印象上跟其他店應該一樣，以英式炸魚配薯條、法式烤雞為店家嘅主打，再加埋湯品、小食、沙律、香煎即日鮮魚以及自家製甜品。飲品方面，一系列梳打、凍飲，仲有多款咖啡、花茶、啤酒及各類餐酒，真喺睇佢唔出，麻雀雖小，卻喺五臟俱全。我記得佢哋好似無做套餐，但呢間就正正有款二人套餐，性價比非常之高，因為包兩客頭盤，主菜有炸魚，又有烤雞，包埋基本餐飲，頭盤、主菜、餐飲都可以額外加錢升級，定價都只喺$298 + 10%，更可加錢配甜品。小弟一向師奶數口，計過吓如果散點，咁食法基本要$450左右，所以，即喺打咗個七折有多呀，唔使多諗，就梗喺一家揀二人套餐啦，抵到咁。凍檸檬茶、凍可樂餐飲我哋就無乜特別