熾工房 (Closed)

幫襯勁買💛熾工房🛞@wowlab.hk講起食炸雞同蘑菇飯，除左連鎖嘅K乜乜同J乜乜，之前喺西營盤搵到更好嘅替代品⭐️ 但係原來半年前已經結業，所以專程嚟到長洲本店重溫一下💭兩間舖頭裝修風格相似，都係啲冷色系為主調，室內外都有座位，而牆身同樣畫左塗鴉壁畫🎨同樣係自助形式，落完單之後自己攞餐同還餐盤🍽️Menu印象中大致上相同，見餐廳最近推出咗號稱全港首創嘅脆雞甜筒🍦黑色嘅竹炭甜筒中有爆谷雞粒同薯蓉🍿外賣同堂食唔同價🏷️餐廳標榜食材新鮮，炸雞烤雞都係即叫即做，保證新鮮🐣 烤雞大概要等20分鐘，而炸嘅就15分鐘左右⏰滋味脆雞套餐🍗原味滋味脆雞｜蘑菇飯(細)｜Soda Water原味烤雞套餐🎛️原味烤雞｜薯條｜Soda Water炸雞外皮炸得鹹香，又保持到中間嘅肉汁💦 烤雞調味均勻，配上香草同檸檬清新香味，食落冇咩油膩嘅感覺🍋相比連鎖店用粉開嘅蘑菇汁，呢就係出色好多！顏色呈奶白色，味道非常creamy，加上足料嘅蘑菇片🤤 下次真係唔睇小自己，嗌返個regular size🕳️望到啡色嘅薯皮就知道係用真薯仔做嘅🥔 茄汁可以任點🍅 亦可以以$5加燒烤醬或者蜜糖芥茉呢啲特色醬汁🍯支持良心小店💛

好似好耐冇入長洲 襯放假入左去小遊🤪之前買團購食過呢間唔錯 熱辣辣食又唔知點呢( ´▽｀)主打即叫即炸的烤雞炸雞 仲有熱狗🌭️意粉🍝套餐等!記得記得要食蘑菇飯 真係好正desu!!!雞件🍗我就建議可以加配埋特色醬汁 配埋應該會更惹味 (後悔中🥲)仲可以成桶返去同屋企人開心share🥰價錢相當親民合理 所以都好受島民歡迎～.▫滋味脆雞套餐 $56跟餐還有配汽水喔!一場嚟到梗係要試吓脆雞🍗雞如其名 真係好脆身!! 肉質嫩滑完全唔嚡而且雞件size都大大件 絕對唔係變種雞🤪.▫原味烤雞套餐 $58相比起脆鴨 比較偏愛烤雞😚醃得好入味之餘 咬每啖都充滿肉汁和油香～而且外皮還帶點香脆 比脆雞來得滋味!!.▫蘑菇飯 +$5小店另一招牌係蘑菇飯!! 一定要試自家製蘑菇汁好濃郁啖啖都充滿忌廉蘑菇香Ho creamy!! 仲好足料用左好多牛排菇製成食埋個飯先算係大滿足( ´▽` )ﾉ.▫芝士醬薯條🍟 +$6邪惡的芝士醬好香濃😚 仲加左啲紫菜碎而且醬汁還是溫溫的 鹹香味更突出～美中不足是 香脆的薯條🍟會變得微軟 但依然充滿薯香!

入到去長洲的第一個午餐，一邊行、一邊上 OpenRice搜尋，找到了這間「熾工房Wow Lab」。餐廳夠膽用「Wow」作為名字，似乎對自家出品很有信心。餐廳位於長洲，即使是西餐廳、又是年輕人經營，似乎也無可避免入鄉隨俗，收銀處擺放了一個類似佛誕搶包山的牌坊裝飾品。室內裝修簡陋，唯一裝修特色就是牆上的一幅塗鴉 graffiti。一隻踏著公雞的單車，直接表達了餐廳是間炸雞 / 烤雞店。主力出品是雞肉，有脆炸雞及烤雞兩款口味選擇；另外還有美式餐廳必有小吃炸薯條 / 炸番薯條及炸洋蔥圈。熱賣出品必定是脆雞套餐及烤雞套餐，如果嫌份量太少，又或者有三至四人分享，可以單點烤全雞（$168 / 隻）；由於並非標準套餐，需要等候半小時，而且每日限量供應。烤雞套餐有兩款口味：辣同唔辣。本來想揀更加惹味嘅香辣烤雞（$57），但已經售罄。原味烤雞套餐（$56）也不差，用香草及青檸汁醃制，既有烤焗焦香、又滲出淡淡青檸芳香及果酸，惹味之餘、酸酸地又開胃。套餐有一件雞上髀及一件雞下髀，包一份粗薯條及汽水；這個組合等同 KFC 的兩件雞套餐，但就貴 KFC 少少。唔鍾意食套餐嘅粗薯條，可以加 $3 轉招牌蘑菇飯，或者

選擇平日入黎長洲 比假日少人 不過就預左有d小店唔開 Lunch揀左食雞 套餐包薯條/牛油粟米 +汽水滋味脆雞套餐$52🍗🍟🥤配薯條 炸雞外皮好香脆 惹味😋 薯條中規中矩.蒜香檸檬燒雞套餐$54🧄🍋🍗🥤+$3轉蘑菇飯🍄🍚 燒雞淡淡蒜香檸檬味 唔會好強烈 肉質嫩滑😋 蘑菇飯好食😋 唔係某連鎖快餐店既醬汁 似白汁忌廉🤔 好creamy 食完唔夠喉.個人覺得檸檬雞好食過原味雞 價錢唔算貴 雖然食完唔算好飽 但入黎長洲都想試多d其他小食 食完呢餐仲有位食甜品🤣