重光弁当 (Closed)

之前一路都冇介紹過但其實我地食左好多次既重光弁當🍱我地通常都會叫呢個滑蛋吉列豬扒丼($75)特別值得講既係佢地用料唔馬虎🤩米粒都係用返日本北海道既米🇯🇵咬落係粒粒分明圓潤飽滿但質感柔軟👍🏻而且飯量都好足夠！米飯都有少少醬汁混合左，仲有啲洋蔥/蘑菇 食落甜甜地😋🍳滑蛋就相對份量少左啲，咬落大概一隻蛋既份量🤔我期望可能會多少少蛋，可以混合埋啲飯一齊食🤣豬扒今次就炸得偏硬少少、較乾身～之前食既時候炸得岩岩好，肉質嫩口同軟熟👍🏻不過都可能因為外賣拎到返屋企影響左個味道🥴希望下次再食會有返之前既水準🙏🏻

香港賣日本野既黃店都唔係好多，新鮮日式便當🍱更加少添。今日就去左呢間口碑唔錯既日式便當專門店💛 雖然政府既限聚令及防疫措施令到店舖只能做外賣生意，但係反而令到更加多人嚟買外賣 ， 咁我地就order 左一個滑蛋吉列豬扒丼（$68）+ 豚肉生薑燒弁丼 （$58）另外加左 $12 叫左杯由名店黑金堂茶底做既荔枝紅茶 ， 1. 滑蛋吉列豬扒丼 - 雖然係外賣但係攞到返屋企溫度仍然都係熱，味道都相當唔錯，拍得上門店嘅滑蛋豬扒 👍🏻😋 2. 豚肉生薑燒弁丼 - 每塊豚肉都好重生薑味，對於鍾意食薑既朋友呢個係一個相當唔錯嘅選擇，同埋配菜都好精緻味道都唔錯 😋3. 黑金堂 荔枝紅茶 - 黑金堂既茶一向都好有口碑，荔枝味都好出好清新。

黃店 💛 #重光弁當 #新蒲崗🟡店內有極多文宣🟡店員穿全黑色衣服、戴黑色口罩🟡多次於IG, FB表態今日去咗新蒲崗廣場買便當食😙 買咗新開嘅重光便當💛 估唔到都幾多人食，要排隊買，因為多人食黃店好開心☺️🐷🍱 滑蛋吉列豬扒丼 （$68）便當嘅份量算大，我餓咗好耐先開餐但都食唔曬啲飯😝 豬肉好味但蛋嘅比例略嫌少咗啲，另外有送一包紫菜餸飯食，口感豐富，正😚🐥🍱 唐揚炸雞便當 （$65）炸雞便當份量更加大，朋友食完飽到唔洗食晚餐🤣 便當入面有沙律、炸雞、酸瓜等等，呢個幾抵食，會再食👍🏻