聯發茶餐廳

Open Now

Now Closed

聯發茶餐廳最出名既一定係佢哋滑蛋！同埋聽聞發哥都會黎食🤫有冇機會撞到發哥呢🤭   1️⃣ 炭火叉燒飯（$98） 個滑蛋好靚😍顏色係偏橙黃，食落好香蛋味。面頭既叉燒帶蜜香，配埋滑蛋正！  2⃣️滑蛋蔥花叉燒飯（$78） 都係滑蛋同叉燒既組合😂但係呢款就係滑蛋同叉燒加埋蔥花、洋蔥炒埋一齊既。反而覺得呢款好食過炭火果款。呢款個蛋感覺更加濕潤同埋嫩滑，而且多啲配料又感覺滿足啲。淋上佢地既甜䜴油更加好食😋  3⃣️ 炸餐肉條配蛋黃醬（$32） 幾特別，個樣好似薯條咁。第一次食炸餐肉條，仲要係間咁傳統既茶餐廳到食。餐肉條鹹鹹地，面頭灑上啲糖，甜甜鹹鹹幾過癮，仲有蛋黃醬點。   4️⃣法蘭西多（$34） 茶餐廳一定要叫西多士啦😀西多士好厚，入面搽左層花生醬，花生醬係帶粗粒花生既果款，面頭仲有塊牛油，慢慢溶下溶下，再淋埋糖漿，唔會有人唔鍾意食啦🤤  5️⃣凍奶茶（+$2） 果然係老字號茶餐廳，茶濃，係我鐘意既港式奶茶！  

「叉燒」是普遍香港人都喜愛的地道食品之一，有酒樓、飲食集團、茶餐廳以特色烹調作為招徠。屯馬線通車之後，經常會到九龍城一帶尋找美食。今日途經侯王道聯發茶餐廳，被櫥窗「炭燒叉燒」海報吸引，碰巧門外沒有食客排隊，立刻與太太入內。驟眼見店內已滿，準備到門外排隊時，突然間店員安排一張「留座」的卡座給我們，令我們喜出望外。我們是初次光顧此店，當然要嘗試「炭燒叉燒飯」，我點選炭燒叉燒蛋飯，滑蛋蔥花叉燒飯，飲品是凍檸茶和熱阿華田。炭燒叉燒飯先到，賣相很好👍🏻。叉燒色澤吸引，太陽蛋有脆邊。叉燒味道👅帶少許甜味，淋淋哋易於咀嚼，而香味令食慾大增。可是找不到任何炭燒的痕跡，也沒有炭燒的香味，失望至極😔。用$88元在茶餐廳吃一碗炭燒叉燒飯不算貴，但若是叉燒蛋飯則顯得高昂，而且飲品另外收費。以今次為例，炭燒叉燒蛋飯$88，加凍檸茶$26，共付$114。滑蛋蔥花叉燒飯則以午餐形式出售，用$68便可以嘗到，熱飲不另收費😄。滑蛋蔥花叉燒飯的叉燒相信不是新鮮的。滑蛋的滑、蔥花的香、叉燒的質感和微甜，叉燒配搭滑蛋蔥花相當好味。

好耐冇食聯發嘅炒滑蛋，特登嚟食返個常餐。依家疫情底下外賣飯盒買一送一，見到侍應姐姐好忙咁包裝買飯盒，做到無停手。滑蛋蔥花叉燒飯嘅蛋略嫌老咗啲熟得滯，甜豉油成支比你自己囉，鍾意落幾多都得。滑蛋裏面有洋蔥，令到個炒蛋香咗好多，不過都係老得滯。常餐可以揀餐肉、火腿或者五香肉丁，可以配米粉、通粉或者麵。個炒滑蛋冇得輸，顏色好靚，偏橙，炒得好滑好多汁，配上厚多士，厚多士烘得好脆。雖然$58一個茶餐都幾貴，但久唔久食下都OK。

想食呢間明星茶餐廳好耐！今次試咗三樣：滑蛋蔥花叉燒飯、厚西多士同埋超滑蛋治（烘底）首推滑蛋叉燒飯同滑蛋治！！！嘩想講佢嘅炒滑蛋真係太出色！食到我同朋友嘩嘩聲😂😂😂一開始食個飯個陣唔記得落佢嘅袐製豉油覺得還好，但一落咗豉油，就完全唔同，好食勁多！加埋蔥花，令成個飯更香更豐富！叉燒就不過不失，如果係半肥瘦叉就完美！個滑蛋治用兩塊厚多士夾住，要勁大個口先咬得晒🤣食完就即刻想下次再encore了！厚西多就覺得一般般，因為佢太厚，感覺未夠入味，又炸得未夠香脆但整體都好食呀！

行過九龍城， 唔知食咩，經過聯發， 見到個滑蛋蔥花叉燒飯 成60蚊， 第一個反應“咁貴的”， 但附近食個lunch 都5/60 蚊， 咁人一世， 試下好唔好食。入到去，未到中午繁忙時間， 人唔好， 店鋪乾淨叫左滑蛋蔥花叉燒飯， 都大碟， 食上去， 滑蛋夠滑， 叉燒就肥瘦分明， 唔錯， $60 包杯野飲。最後， 以品質同價錢比,都接受的。