3rd Space (Closed)

上環文青cafe唔少🙌🏻3rd Space都係當中熱門之一～甜食就以班㦸出名，鹹食就以和食為主，環境清幽，大家可以搵呢個遠離煩囂嘅地方抖下😚🍴招牌燒海鹽忌廉伯爵茶麻糬班㦸 配北海道牛奶雪糕及水果 $85班㦸唔係大熱嘅梳乎厘pancake，中間仲有麻糬，都幾特別，老闆娘建議大家好似切蛋糕咁切開，再加上海鹽忌廉同雪糕一齊食🙌🏻🙌🏻～班㦸口感比較實心得黎都頗鬆軟，中間麻糬唔算癡牙，入口好容易溶開，加上牛奶雪糕同海鹽忌廉一齊食有鹹甜鹹甜嘅感覺。我覺得海鹽忌廉有少少過鹹，好容易遮左班㦸嘅伯爵茶味，只係同雪糕一齊食好感覺清新一點😚同期待有落差，不過都唔差☺️🍴滑蛋親子丼穀米飯 $95呢個親子丼簡單得黎又幾好食😍雞肉唔係普通親子丼咁，而係煎香左嘅雞肉加上燒汁，配埋煮得剛好滑蛋嘅蛋汁，極度送飯😚而且配埋沙律，感覺健康🙌🏻🍴印度香料豆乳茶 $48呢杯chai latte用左豆奶衝，冇左奶味，感覺清新，適合唔鍾意牛奶的朋友🥳而且佢latte嘅奶泡可以好耐都唔散，如果印度香料味可以更重應該會更加好飲😍呢間cafe服務態度十分好😚仲係良心小店💪🏻大家記得支持下

又係時候做下港女去下咖啡店打卡，呢日捐窿捐罅嚟到充滿藝術氣息嘅3rd Space。3rd Space位於上環差館上街，上環站行上去／西營盤站行落去都到到，不過唔係特登去都唔知有個咁嘅地方😳成間店嘅風格都好藝術風，周圍都係畫作，例如牆上有個好大嘅歌姬。有室外位置，不過係密封、有瓦遮頭嘅，可能會有啲焗，不過好靚，可以出去打下卡📸滑蛋親子丼穀米飯（$95）呢個親子丼用嘅係極上蛋🥚，所以蛋嘅濃度會高啲，蛋味都濃啲！用嘅米🍚就係日本黎嘅22穀米，營養價值同纖維都夠晒高👍🏽招牌燒海鹽忌廉麻糬班戟 配 北海道牛奶雪糕及水果（$85）呢到嘅signature dish係呢個pancake，梗係要試下啦！又食得，又睇得！因為其他配料味道已經好豐富，所以我哋叫咗原味班戟，試下最原始嘅味道xd班戟好特別，中間有層抹茶麻糬，班戟嘅鬆軟配埋麻糬嘅煙靭，口感十分不錯😛配料除咗有北海道牛奶雪糕，仲有個海鹽忌廉，面頭係燒過嘅，味道好好～班戟配雪糕加海鹽忌廉一齊食味道好豐富！如果pancake嘅texture可以再fluffy啲就好喇😍花香黑茶（$38）呢間店嘅茶係老闆由德國帶返嚟，再經自己調製而嚟嘅。所以味道非常特別