阿元來了 (Moved) New Location

上次帶完香港大學嘅朋友去食排骨麵，今次到佢帶我去阿元來了食台灣野，兩點左右鐘數去到，明明係完咗打工仔嘅食飯時間，但係都勁多人排隊～我哋一人叫咗一碗魯肉飯，同埋加左個滷味拼盤。平日一至五午飯時間鐘數，出示學生證有九折～滷肉飯有勁多半肥瘦肉喺度，肉嘅份量好多，爬每啖飯都一定撈到肉碎，脂肪同油香撈晒落啲飯到🤤 仲要勁多汁！成碗飯都有汁，唔係得個面先有滷味拼盤就有雞翼、豬大腸、豆腐同雞蛋，味道唔夠出，可以再滷得更入味，變咗用醬汁嚟係出面加味。可能唔係呢度嘅招牌菜，就有啲遜色啦最後走嗰陣一人叫咗一杯鳳梨青茶加珍珠，飲落去酸酸甜甜，味道清新得來好豐富，珍珠亦好有甜味，不過浸得來就變腍哂老闆同店員都招呼周到，儲落勁多熟客，啲人出出入入都有講有笑，而且真係又平又抵食，魯肉飯已經夠晒飽，唔怪得佢長期咁多人排隊啦😛

已經係第二次來到阿元來了, 上次係中午, 好多人排隊, 於是選擇外賣. 今次係夜晚, 大約8點, 一樣都係好多人. 不過今次一心想試下堂食, 等就等啦. 店舖裝飾好有特色, 唔係咩豪華裝潢, 不過就心思十足, 就算企係門口等都好似去左台灣咁, 誠意滿分. 等左大約20分鐘有得入, 環境係比較狹窄, 舒服就真係講唔上, 當快餐咁食. 其實企係門口等果時, 侍應已經俾定張紙你tick, 基本上一坐低, 食物就好快送到. 兩個人叫左一個雞肉飯, 刈包, 滷水拼盤, 蝦酥芝士蛋餅 (期間限定), 芋頭蛋黃酥,兩杯飲品, 合共 $17x先講雞肉飯, 賣相好好, 配料有層次地擺放, 雞肉絲配上雪菜,醬油同白飯, 聽落平平無奇,但味道唔錯.  醬油有少少甜, 為成個飯加左唔少分. 刈包, 一碟一個, 同樣地, 賣相好好, 饅頭夾住肥豬肉. 花生碎, 芫茜, 雪菜, 唔知係咪個醬汁甜甜地, 肥豬肉食落唔覺得好油膩. 滷水拼盤, 相對比較一般, 食物溫度唔凍唔暖唔熱, 唔知係冷盤定熱盤, 一般滷水味, 無乜特別. 期間限定蝦酥芝士蛋餅, 有D似法國crepe, 蛋餅煎到好薄, 外面帶點焦, 又有少少金黃

早排去完台灣,好掛住台灣的食物,為了滿足自己,於是專程走到西環一嚐阿元來了的台灣美食用餐時間只有30分鐘,幸好我不是繁忙時間來,可以慢慢食先來一個魯肉飯魯肉肥瘦適中,食落一啲都唔油唔肥而飯加左魯肉汁同少少豬油,令飯更甘香,食落唔會乾同冇味好有台灣風味滷水拼盤總類都幾多,豬耳最爽口蛋雖然老左小小,但都唔錯

今次經過西環數字街，點可以放過新開嘅台灣料理小店！今次真喺相機來了...舖面設計已經好有台灣風味，內裏裝修又與別不同，完全冇豪華裝潢，反而充滿台灣地道小店風味！正！因為夜晚七點到，已經賣咗好多嘢，剩返可以 order 嘅餸真喺唔多！我哋兩個人叫咗好少嘢！首先叫咗個《雞肉飯》！嘩！一上枱就覺得好細碗！但我朋友話27蚊你想點呀？賣相真喺普通，口感唔算特別！但味道真喺一流，有雞絲，酸菜，仲有啲唔知名嘅醬汁，好味！食台灣嘢，點可唔以唔飲《珍珠奶茶》！奶茶比較甜身，喺台灣料理嘅特色！但裏面嘅珍惜唔喺波霸級別，而且比較硬身！可能喺台灣特色，唔同傳統飲開嘅硬度！因為個飯太少，所以叫咗碟《鹽酥雞》，份量正常，一兩個人啱啱好！口感有咬口，外脆！而且比較鹹，有埋啤酒就一流！《滷水拼盤》喺兩隻雞翼同滷水蛋，真喺同香港食開嘅份量真喺有好大分別！但味道就真喺唔錯！雞翼同滷水蛋都好入味！兩個人夾咗50蚊左右！上環數字街區中，都算抵食！但份量多返少少會更好！