忠孝東路

Open Now

Now Closed

呢度除咗單點之外都有二人套餐，都有好多唔同嘅選擇💁🏻‍♀️滷水豆腐嘅色澤非常深，感覺浸咗好耐，竟然仲keep到入邊嘅豆腐咁軟滑😋另外忠孝牛肉麵嘅牛肉都做得幾出色，入口即溶嘅感覺～湯底唔算好鹹，啱啱好肉質唔會好老，仲有少少粉紅嘅肉色，脂肪比例平均烏魚子意粉好香蒜同埋香草味，另外烏魚子係醃過嘅所以鹹鹹地💁🏻‍♀️啲菇炒到好乾身，再經過調味所以好好味😝整體真係好少喺其他台式店食過，所以都推薦大家食水果茶除咗水果好多之外，連面頭啲冰都係用果汁整成嘅，唔怕整淡晒成杯野，好細心💕

今次嚟到尖沙咀搵食~位於isquare 3樓，平日夜晚都要等5至10分鐘先有位，人氣十足！前菜叫咗滷水豆腐，第一眼覺得有啲驚訝，顏色好深，而且皮厚，但入面超級嫩滑😵完全吸晒啲滷水汁呢度有非常少見嘅烏魚子！我本人都未食過，識落有啲似海鮮嘅味道，仲有啲辣辣地，啲菇亦都炒到好香，吸晒啲汁，整體偏鹹嘅~另外點少得叫台灣牛肉麵呢😚肉質淋淋地，麵底嘅質地偏向似油麵，仲有啲酸菜同香蔥添。水果茶入邊有嘅水果種類非常多，西柚、橙、檸檬、士多啤梨、藍莓等~多到數唔晒! 飲落去非常清新🍃

依晚約咗朋友去I-Square頂樓飲嘢，飲嘢前先食個靚飯。中庭嗰層啲食肆好似轉哂新嘅...，真唏噓；最揚眼見到嘅係依間叫「忠孝東路」嘅餐廳，唔使上網Check都知係台灣菜🤣。云云台灣菜館當中🇹🇼，佢環境算好舒服、闊落，唔係平日食完想即走嗰種，可以慢慢坐下。餐廳有做二人套餐，不過唔太啱食，所以散叫。另外，餐牌上有部份比較特別嘅菜式都未能供應，例如鹽水鴨片同蚵仔酥，可惜可惜🙁。我哋夾埋叫咗兩份主食同小食，以及兩杯嘢飲。估唔到食下食下都好飽😜。墨汁花枝香腸($56)，之前喺第間台灣餐廳已經食過，知道好好食。呢次亦一樣，口感非常彈牙，而中間白色一粒粒嗰啲就係花枝粒🦑。滷水豆腐($28)，呢個出奇地好食😋，四件豆腐內裡滑滑的，外面層皮就煙煙韌韌。整體入味得嚟唔會太鹹。香酥排骨湯麵($73)，排骨同湯麵係分開上的。🐷豬扒炸得好脆口，唔錯，廚師嘅切法令佢變得好似豬頸肉。湯麵嘅麵質幾好，軟硬度適合，不過略嫌個湯底太清，淡啲。忠孝魯肉飯($65)，魯肉飯🍚嚟講佢都算大碗。但佢嘅「魯肉」，我覺得似肉燥多啲。味道正正常常，我鍾意食面頭嘅冬菜粒同隻溏心蛋🥚。寶島珍珠奶茶($28)加奶蓋($5)，呢杯係我要嘅，

係Isquare 想食野又怕太飽，見到忠孝東路有台式野飲就衝左入去。餐牌好多野飲選擇，啲小食又好吸引，有台灣既味道🤤環境好有家既感覺🥰招牌忠孝生果茶，佢連啲冰都係生果茶雪成，就算溶左都唔會淡味，超有heart👍🏻食得又飲得，感覺仲健康💪🏻滷水豆腐，呢個要大讚！外層煮到索曬啲滷水味，但係裏面嘅豆腐仲係超香滑，仲有豆腐香🤤如果唔係夜晚要食飯，我應該會嗌多一份嚟食🤤花雕醉雞，酒味香濃，隻雞有酒味之餘亦都同時保留左雞嘅鮮味。