牛の鍋日本料理

Open Now

Now Closed

天氣開始轉涼, 又到咗香港人好鍾意打甂爐嘅時候. 行開荃灣, 之前食過嘅都摺咗, 上網一SEARCH搵到熊貓呢間試下. 門口寫到明2小時, 雖然係貴價時段都試下.座位算闊落, 唔會太迫.先試下日式刺身, 算新鮮.其他日式前菜上枱較慢, 食到甜品至到. 火鍋配料算多又齊, 蔬果汽水啤酒自助, 肉類就TICK紙仔.豬牛羊雞海鮮, 各款丸類等等都有. 另外, 上FB like&share 佢地專頁, 可得澳洲和牛100g. 甜品係另一推介, 款式多又靚又好食.當然, 閒日甚至食午餐就會抵好多. 餐廳雖然位於熊貓二樓, 但出奇地唔多拖喼客, 以街坊為主. 

同朋友慶祝生日, 原本生日者有25折優惠, 點知係台面見到話LIKE FB 同SHARE就會有和牛, 問完店員佢教即時LIKE FB 同SHARE之後就送左和牛黎, 但當時並無任何提醒客人有咩條款! 到最後結帳時發現先話寫明不能同時用其他優惠!但生日優惠亦無註明優惠不能同時使用其他優惠! 店員只係不停係度解釋本身個餐唔可以用呢個優惠但當時照比! 咁店員點解當時無拒絕客人同解釋唔可以送就直接叫客人上fb like&share?事後上openrice 睇返comments, 原來都有人寫過d個係一個伏位........又長知識了! 就係d碟用一位原價$188黎食左4塊所謂的澳洲和牛!而肉質比點餐紙上的並不是特別好食先係重點!!!雖則谷氣搞到大家unlike同black list d 間野, 但餐廳的食物都要比大家知道下真偽d黑松露龍蝦湯底 - 一擺埋黎好香龍蝦味, 但飲個湯係無龍蝦味....抹茶巴菲 - 好濃綠茶味, 好食! 我地唯有每人都食返一個先覺得補得返碟澳洲和牛差價***其實d 間餐廳甜品比火鍋仲好食, 可以直接轉營開糖水店仲好***

係Openrice 知道這𥚃火鍋放題，而且甜品仲好出名，又要出動。我們選擇加$18雙拼湯底，九州豬骨湯拼黑松露龍蝦湯。自助火鍋專區，有蔬菜及火鍋配料幾十多種，包括多款丸類如龍蝦丸、墨魚丸、牛丸、年糕、干貝燒、芝士腸、鮮腐竹、金菇菜、烏冬、粉絲、薯粉、公仔麵、響玲、山根、雞脾菇、冬菇、秀珍菇、芋絲、京蔥、雞蛋、豆腐、豆腐卜.............飲品有拾多款，包括啤酒、汽水和韓國飲品，有兩種好少飲到的sometsby藍莓啤酒及雀巢冰極檸檬茶，sometsby藍莓啤酒似藍莓汁多D，不過飲多都會醉。記得係FB專業讚好分享仲有澳洲和牛一碟，碟和牛份量不多，不過質素好高👍👍👍刺身有十款，我們揀了三文魚、赤貝、帶子、北寄貝、甜蝦，以赤貝、帶子最鮮甜好味，我們叫了三轉😋😋😋自選火鍋配料，我們揀了美國牛肉、美國極上牛肉、海蝦、廣島蠔、豚肉，我推介廣島蠔、豚肉、極上牛肉。😋😋😋我見到Openrice 食評推介甜品，我們要四款，D24榴蓮班㦸、宇治抹茶巴菲、宇治抹茶新地、日式乳酪，我覺得抹茶巴菲最好。其實放題仲包括，有沙律、一品料理、天婦羅、揚物、壽司、燒物、軍艦、手卷。可惜只叫了一客海膽手卷，因為太飽

今日去開荃灣荃豐買電腦用品，所以喺附近搵好嘢食，時間尚早，一於搵間放題擦餐飽。上網見到好多人介紹佢地嘅宇治抹茶雪糕芭菲，一間放題做到咁有心思嘅甜品，我覺得值得一試。六點半已經到咗所以我哋唔使等位，環境唔錯好整潔光猛，我哋坐咗一張窗口嘅卡位非常舒適。店員介紹我哋一個好特別嘅湯底就係冬陰公湯底，特別之處係佢帶啲麻辣嘅，我哋鍾意食辣就決定揀依個湯底。而家做緊promotion, Like 佢哋嘅Facebook就可以送一碟澳洲和牛，肉質鮮嫩，甜香牛味，口感嫩滑，雪花平均，沒有筋膜，配埋冬陰公湯底有啲刺激。配料方面，蔬菜幾新鮮，丸類都係一啲比較特別嘅款式，稻庭烏冬好好味，煙韌有咬口。我要讚一讚佢哋嘅響鈴，好多地方嘅響鈴都容易碌到中間唔熟外面又太林，呢度嘅響鈴就真係3秒就已經好均勻，恰到好處非常好食。刺身方面，甜蝦夠大隻夠鮮，其他刺身算中上水準啦。壽司勝在佢哋有心思，例如海膽三文魚籽軍艦壽司，黑松露帶子壽司，松葉蟹棒壽司，同埋佢哋真係即叫即做，紫菜係脆嘅，咬落去有『嗦』一聲，衣點加分。帆立貝裙邊沙律，松露粟米，金菇牛肉卷都做得好食。炸物方面每一款既配搭都好有特色，所以都每款叫咗一個，最喜歡係流心

今日返工好似打仗咁，我好想打邊爐氹吓自己；另一邊嘅A姐，今日返工好似攻心計咁，佢話想食放題放縱一下！兩者似乎不可能並存嘅日本嘢，因為工作嘅壓力，我哋今日都各不相讓，仲差啲大打出手添！到我話讓步喇，佢又話唔駛，話點敢喎！費事為咗食餐飯都傷感情，不如搵吓有無一間餐廳可以一次過滿足我哋所有嘅願望啦！特登走入嚟荃灣悅來酒店商場悅來坊嘅牛の鍋，聽講種類多之餘，食物品質都唔錯，即刻出發！由港島線再轉荃灣線，好彩只係2個站就氹掂我個A姐！呼……一額汗……好彩今日係平日，唔駛點等位就有得入座，而食物嘅款式真好多，除咗7張放題紙，仲有1張火鍋紙，同埋出面嘅火鍋配料Bar！如果想免費食到和牛？依家只要2個人like餐廳嘅Facebook就會送你澳洲和牛一碟；而4個人like餐廳嘅Facebook就會送多碟日本黑毛和牛俾你架喇！各就各位，120分鐘START！今日嘅湯底選擇咗黑松露龍蝦湯，上枱一刻已經聞到香濃嘅龍蝦味，唯一嘅敗筆係refill只係用上清湯，而唔係用龍蝦湯。首先上枱嘅係有Like先有得食嘅澳洲和牛，薄薄嘅和牛淥10秒就食得，油脂分佈細密，牛肉味夠晒香濃！至於任食嘅牛類選擇有美國肥牛同極上牛肉，