小南國 (Closed)

星期五的晚上約了好友們到小南國吃晚飯，相信小南國對好多香港人嚟講都是好熟悉的餐廳， 我亦都去過好多次了，今次就寫一寫對他們的感覺吧！我們四個人點了野齋菜鮮肉餛飩$58，冷菜拼盤$168，鮮肉小籠包$48，南國蔥油開洋拌麵$88，老上海煨麵$55，灌湯生煎包$48，椰汁芝麻丸子燉蛋白$42，香蕉豆沙鍋餅$68，茗茶胎菊王每位$20。野齋菜鮮肉餛飩 ~ 皮太厚，餛飩的餡料尚算可以。冷菜拼盤 ~ 7選4中我們選擇了醉雞，秋葵雲耳，海蜇頭，糖醋排骨。四款都唔錯，賣相精緻。鮮肉小籠包 ~ 皮薄餡靚，肉汁豐富。南國蔥油開洋拌麵 ~ 咁多樣菜之中我最喜歡這個拌麵，麵身煙韌有咬口，蔥油味好香。老上海煨麵 ~ 清清地。灌湯生煎包 ~ 生煎包的底煎得脆脆的，湯汁惹味。椰汁芝麻丸子燉蛋白 ~ 蛋白好滑，芝麻湯圓夠煙韌。香蕉豆沙鍋餅 ~ 味道一般般。整體來說小南國的食物質素好像冇以前這麼好，服務亦都一般，當然座位都算坐得舒服的。

今日呢餐係團年飯，有老人家所以就揀左清淡D既上海菜生煎包個底煎得幾香食落脆脆地，而且入面又有湯唔錯！！沙鍋餛飩雞（半份）侍應將D餛飩一碗碗咁分好左，呢半隻雞就另外用碟上，餛飩既皮厚左D，雞既肉質都唔夠嫩，整體黎講普普通通！呢碟菜既賣相都幾唔好D肉炒到黑色既仲要每件都係好肥既豬肉根本無咩肉食豆腐只係普通既冰豆腐放落D上湯度仲要D火腿既數量係非常之少呢個鍋唔抵食！炒年糕可以揀用咩炒我地就揀左津白但我無諗過佢會用豉油炒味道非常唔OK整體黎講，我對呢間餐廳好失望出面普通既小店上海舖都比佢好食