三川居酒屋 (Closed)

見咁多好評，相約好友一於去試下。早一日 book 定位，都仲可以bbook 到。餐廳充滿日本風，但座位之間相對峽窄。見好多人推薦明太子蟹肉醬焗蠔肉磨菇批，於是 order, 再叫d串燒, 魷魚鬚，壽司咁…老實講，食物味道冇谷所講咁出色，所以都有d失望！侍應服務都好有禮貌，上菜亦十分快，由於座位峽窄，知己良朋談心就冇乜私隱，坐得亦唔係咁舒服，純粹為食而食。

Sogo 附近嘅一間隱蔽居酒屋，裝修好特別，好似啲稻草屋仔咁，好得意火之夢壽司山 📍$148好好食好好食~ 仲係粉紅色架 😍 好靚 heehee 一份有6件，有齊哂海膽，蟹籽，蟹肉，吞拿魚蓉，勁新鮮勁足料 😋😋 粉紅色個啲係用咗櫻花蝦磨粉，甜甜地，幾好食魚生薄脆洋食 📍$86出面好似未食過，一於試吓佢! 魚生切到一粒粒咁，但都食到材料好豐富，好多唔同種類嘅魚。放上咸咸地脆卜卜嘅薄脆上面，又幾夾喎日式牛肉鍋 📍$148湯底甜甜地，又有牛肉味，忍唔住飲多咗2啖。牛肉份量比平時個啲多，相對菜嘅份量就少啲，岩哂牛魔王呀 😈牛舌串燒 📍$58香噴噴，食落鹽分岩岩好，肉質都好嫩。加啲檸檬汁令鮮味更出

銅鑼灣覓食，最近愛食日本居酒屋，食開有條癮，今日繼續心思思搵居酒屋食。找到這間價格不貴又就腳的日本居酒屋，店面不太顯眼，在sogo附近，走落一層樓梯就到。店內的裝潢有特色，那一間間小草屋的座位尤其吸引，別有一番風味。看餐牌一見到這個稻庭烏冬立即點了，睇落好吸引！烏冬熱騰騰整鍋上，色彩繽紛，滿滿都是餸菜，尤其那顆亮晶晶的半熟雞蛋最令人唾唌。稻庭烏冬麵質滑嘟嘟，烏冬偏幼，不是粗身的那種，正合我意！這個烏冬好像是$8x定$9x，抵食又好食！火之夢壽司山 $148 份量十足。點一份能同時滿足我吃到海膽吞拿魚和蟹肉三種魚生！正！壽司山分開兩邊，一邊蟹肉一邊吞拿魚。壽司裡包著蛋，壽司上鋪滿滿滿的蟹籽和海膽。一次滿足到各種味覺，材料新鮮甜美，推薦！👍🏻餐牌選擇多，熱食冷食一應俱全。環境舒服，可以慢慢和朋友邊食邊聊。Part of the Menu for ref: -

有日喺銅鑼灣行到咁上下，諗唔到食咩，就諗住試下啲未食過嘅餐廳。咁啱喺sogo附近經過呢間居酒，見佢喺地庫好似幾有feel，就落左去試下。環境好唔錯，好靜，又唔迫，好正。佢地有兩本menu，左邊係正常menu，右邊係套餐menu。套餐好抵食，睇menu都知平左好多，不過就要晚上7點半前交枱，或者9點後都有供應。呢個烏冬好多料😍 有天婦羅蝦、肉丸、蟹柳等等。啲烏冬都好多，份量好足。個湯底清清地，唔會太咸，連埋啲餸菜一齊食一啲都唔會膩，暖同飽肚之選呢個卷有唔同嘅海產，口感十足 入面係玉子小卷黎。面頭有蟹肉、吞拿魚蓉、海膽同一蟹子。全部料都好新鮮 吞拿魚夠唔會太肥，啱啱好。蟹肉好鮮味，又有好多。海膽大大塊，好新鮮，全部料一齊食落口好滿足我地仲叫左個赤身壽司，都係好新鮮。呢度嘅赤身真係好赤身，因為喺比較瘦同埋冇乜油份，好好 叫得赤身而唔叫toro都係因為嗰日唔想食腩呢啲比較油嘅位。玉子燒好好食！上到黎係熱辣辣的。蛋味好香，亦都煎得好香，唔會太咸或太甜，好好味！啲明太子咸咸地，連埋一齊食襯托個玉子燒，好正黎到居酒屋點少得串燒！嗌左小編最鍾意嘅牛脷🤣 佢係厚切，燒得好香，一咬落去啲汁咇哂出黎，連埋啲

平時出親銅鑼灣一係食極都係嗰一兩間，一係就r爆頭都諗唔到食乜。好欣慰今次朋友決定好要試下呢間居酒屋，唔使掙扎😂我地去到先得六點，時候尚早，只有一檯客人。環境唔錯，播住JPOP，真係幾有日本居酒屋feel。扮草屋😂 幾得意由於有間隔，私穩度都幾高鍋燒湯手打烏冬 幾好食，好飽肚成日覺得好多香港嘅日本野都係貴夾唔抵，呢個就好經濟除左蝦天婦羅每樣餸都有兩份，雞肉丸、魚阪、冬菇仲有超多烏冬，實惠到不得了吞拿魚壽司幾好，偏瘦但無筋，魚味濃，係唔錯嘅赤身明太子燒玉子雖然叫價88蚊，但係係好值中心啲明太子多到爆晒出黎另一主角雞蛋卷夠晒蛋香而且仲係好嫩，水準好高呢個壽司山啲料多到最重要嘅係佢係新鮮，蟹肉鮮甜，海膽係馬糞海膽，大篤到最左邊唔係好上到鏡嘅吞拿魚蓉都好鮮味，飛魚籽粒粒都卜卜脆燒牛舌係預期嘅味道，不過不失燒雞翼好正，雞皮夠乾身，又香又脆雞肉本身雞味好濃，內在保留到油份同肉汁，超好食，推介🙌🏻🙌🏻🙌🏻 開左邊嘅雞翼燒起上黎均勻啲，食嘅時候都方便🤪整體黎講滿意餐廳環境幾好，檯與檯之間距離合適，我地走嗰陣七點左右餐廳有八成滿都唔會街市咁嘈待應態度友善，有答必答食物質素中上，價錢經濟印象唔錯

銅鑼灣真係一個好多野食，今日又被介紹佐一間新野啦。約佐朋友係銅鑼灣B出口等，一出去就問下朋友遠唔遠GA，因為好肚餓，點知佢望一望我，話。。"到啦"原來真係好近，就係B出口隔離，係永光商業大廈有個入口落地庫，好有日式風味，店名叫 三川居酒屋入到黎已經好好FEEL，真係十足十去佐日本居酒屋咁，木製裝潢，日式擺設，加上又落佐一層，即刻就好似遠離銅鑼灣去佐日本咁望下餐牌，岩啦，太耐無食過日式冷烏冬，即刻叫佐個冷稻庭烏冬，再點佐個賣相同個名都好勁既"火之夢壽司山"。傾佐一陣計，好快就上菜啦，先黎係個火之夢壽司山真係超級大碟，好厚料，有吞拿魚蓉、魚籽、蟹肉仲有我最愛既海膽啊以呢個價錢148 真係堅抵食厚厚既吞魚蓉另一邊就係一大堆既蟹肉頂就舖佐一層海膽，再用魚籽係面，真係唔瓜得叫壽司山拆開一件件食，真係食完呢碟都9成飽啦好快個稻庭烏冬就上啦，賣相好正先將蔥花放入木魚汁，再夾一束烏冬沾上汁放入口，正啊烏冬好幼滑，帶有淡淡既小麥味道，直頭好似直接滑入喉嚨咁啊食下食下見旁邊餐枱點佐好多串燒食，本來都想叫，但係真係好飽了，決定佐下次黎都要試下佢既串燒

經過銅鑼灣，見到有間居酒屋🏮，好似都幾吸引，就去試下啦。睇完個menu都多選擇，我就叫左赤貝刺身、火炙帶子壽司、火之夢壽司山同鳥手羽燒。活赤貝刺身 58，擺得好靚，切到好似一朵花咁，一隻份量都好多，好爽口，鮮味，但有些微腥。火之夢壽司山 148，有六粒青瓜壽司上有海膽、吞拿魚蓉、蟹肉同蟹籽，多重層次口感，都好夾！火炙帶子壽司 $42，呢個火灸燒在帶子面上感觀上吸引，味覺上也不錯，食落好鮮甜。唯一唔好就係三樣食物一放在同一碟上，賣相會無咁靚，但味道幾好，都滿足。另外仲點左鳥手羽燒 $45，通常雞翼都好難煮得唔好食，呢個串燒好味，最正係熱辣辣有肉汁，個皮又好脆。✨✨✨✨✨✨✨✨✨✨如果大家喜愛我寫既食評📝，麻煩幫幫手比個愛的鼓勵❤️，我會寫更多豐富既食評比大家！🤤✨✨✨✨✨✨✨✨✨✨

係銅鑼灣沿住軒尼詩道行行下街，見有條樓梯貼住張POSTER寫住三川居酒屋，反正要醫下肚，睇黎又係時候試下新野入到黎真係好似去佐日本居酒屋咁，地方唔大，全木裝修，無論牆身，天花所有裝橫都好有日本風味望下MENU，見天氣又開始涼涼地，點佐個牛肉鍋暖下肚，再黎個睇MENU已經好吸引既火之夢壽司山先黎係個好靚既壽司山嘩，原來真係好堅，一邊係吞拿魚蓉，一邊係蟹肉，面層再黎係海膽同埋魚籽，真係成座山咁岩曬啦，朋友鐘意食蟹肉，我又勁鐘意食吞拿魚蓉，無敵咁夾啊﹗食完呢個都有DD飽再黎梗係個牛肉鍋啦好重料既牛肉鍋啊，一大堆牛肉，再配隻大大隻既生蛋，撈均食，正！不過我食牛肉鍋最鐘意其實係佢個配菜同埋個日本豆腐，呢個鍋都好足料，香口既大蔥配埋熱辣辣同甜到入心既湯底，正湯底仲有薯粉黎得居酒屋，雖然係飽，但就點都要叫個串燒啦，我地點佐大蔥雞串都真係幾大串，燒汁唔會太濃，無蓋過大蔥既香味，雞肉入面都仲淋，唔錯，下次黎可以試多d 佢地既串燒