Spring field (Closed)

餐廳是朋友介紹的，午飯時段店外已經有長長的人龍，店鋪大約十幾個位，所以要有耐性等待，不過，很值得，是我吃過最美味的和牛湯河。招牌春園河 （$73）（和牛湯底，半生湯安格斯牛肉，慢煮牛肉條，蘿蔔粒）和牛湯底清但很濃郁，加上青檸和辣椒，立即昇華，安格斯牛肉軟諗，最欣賞慢肉牛肉條，冇牙阿婆都食到，加上自身少少的膠質，美味又不失口感，果然招牌。火炙半熟和牛片河（$98）（和牛湯底，火炙和牛，蘿蔔粒）都好食，比較安格斯牛肉，多了一種煙燻的味道，但對於我這個廢舌頭，不太比較到和牛與安格斯牛肉的分別🤣招牌春園春卷配青檸魚露汁（$36）外皮很脆，口感很豐富，配上魚露汁，解膩凍香橙紅茶（$18）清香，喜歡它不太甜，但有點少總括而言，我覺得過灣仔值得試，但中午晚飯時段，就預了要排隊，餐廳用料靚，所以值而個價，但份量如果多一點點就好，對女士而言就剛好，男士應該不夠吃。

💛Spring Field·呢間餐廳同對面既cats' eye係同一個老闆既 所以我想試好耐架啦 但係呢間鋪頭既座位少D 我又1點先lunch 所以一路都未有機會 又係要等朋友仔同我食飯先可以試🙊😂·火炙半熟和牛片河 $98招牌春園河(半生熟安格斯板腱牛肉&慢煮牛肉條) $73·佢個湯底係濃厚D個種黎既 唔會話好油膩 不過我自己中意清甜既湯底多D🤣反而佢入面既配料我全部都幾中意 佢個半熟和牛片油脂比例真係好好 而且大大塊咁 超滿足🤤佢個板腱牛肉牛味好出 而且完全唔會韌 個慢煮牛肉條都唔錯 不過都係個和牛片最正😌·招牌春園春卷配青檸魚露汁$36呢個係我地入到去見到好似好吸引加單嗌既 佢個春卷係即炸既 熱辣辣而且超脆 配埋個生菜口感好好🤤🤤··📍灣仔汕頭街25號地舖

灣仔多美食，但美味嘅越式粉麵卻不多，這條小街有很多美食，好多間都要排隊，幸好我提早了15分鐘排隊，待朋友到達後無幾耐即可安排入座。店舖尺數比較少，座位與座位之間比較狹窄，如果要與朋友聚舊聊天....建議不好選擇這間; 但如果是想尋找美味的越南粉麵，那麼這間是不二之選， 當然灣仔餐廳的價錢會比較貴呢。我和朋友各叫了一碗越南粉麵，加了一個招牌小食春卷，另叫了兩杯凍的香橙紅茶。香橙紅茶，少冰少甜，味道出奇地好飲，鮮甜中帶酸。澳洲雙丸牛肉雙拼河湯底濃郁好味，食得出是細心淆製而成的。牛肉片肥瘦適中，雙丸肉質彈牙有口感，河粉爽口，整體都很不錯。火炙半熟和牛片河十分有驚喜，和牛片鮮嫩且牛味濃厚， 配上濃郁的湯底， 當然不少得辣椒粒、九層塔及青檸呢， 強烈推介這一碗! 招牌春園春卷本身對這款小食的期望很高， 很可惜這款春卷餡料普通， 外皮炸得不夠鬆脆，惟一的敗筆。另外值得一提是這裏的侍應服務態度很好，令我們在狹窄間格中亦不會感到煩躁不舒服

生牛河平時就食得多，火炙半熟和牛片河就第一次食。唔好誤會，係我點左熟牛肉所以先無粉紅色，和牛片脂肪比例均勻，入口即化。朋友食嘅招牌春園河用上安格斯牛肉，雖然肉質相對無咁嫩滑，但質素對得起價錢。湯底用牛骨熬製，睇顏色就知幾濃郁，蘿蔔索哂啲湯好入味。河粉偏幼，夠煙韌，亦可改選金邊粉。佢地嘅牛河未到令人驚艷嘅程度，但絕對係可以回頭幫襯嘅。我食嗰陣lunch time 排左超過半個鐘，但而家條街人都無個應該快好多。最近好多黃店告急，大家出街食飯嘅話記得幫襯返同路人呀～

Spring field📍灣仔 Wan Chai//🐮火炙半熟和牛片河(和牛湯底 火炙和牛 蘿蔔粒): 一碗有大約4-5片半熟和牛 睇見都流口水🤤 牛味非常香濃 肉質鮮嫩到一入口有微微溶化嘅感覺😍 客人可以自選紫洋蔥,芫荽及青蔥嘅份量 仲可以選擇河粉或者金邊粉 迎合個人口味🍴//🍜澳洲牛丸牛肉雙併河(和牛湯底 半生熟安格斯牛肉 澳洲牛肉丸 蘿蔔粒): 第一感覺非常好 湯底非常熱 有煙冒出 🍲 安格斯牛肉雖然沒有火炙和牛好滿足嘅感覺 不過肉質較瘦 少脂肪 適合女士👩🏻 牛肉丸亦不錯 一咬落去湯汁溢出 十分彈牙💯 //🍹凍香橙紅茶 (微糖）//*注意: 當天星期三12:15pm開始有不少上班族排隊 附近嘅食肆亦都大排長龍 想食高質越南河就避免平日下午吃飯時間😋