The Galley by Cafe Proud Wings (Closed)

喺疫情下真係好耐無去過旅行喇, 呢間🔸 The Gallery by Cafe Proud Wings🔸 絕對可以幫手望梅止渴, 好多打卡位都勾起出發去旅行嘅回憶。門口附近Bar 枱可以比人飲酒Chill 吓, 餐廳入面有機艙位, 另外餐廳外面或者裡面, 都有好多細心位打造出離境大堂同飛機上嘅情景, 大家去食嘅時候可以Photo hunt 吓。🍽 蟹肉牛油果沙律(配Nacho)賣相好精美, 分成三層, 面層蟹肉份量好足, 中層嘅牛油果雖然好飽肚, 不過夾埋最下層嘅沙律菜絲一齊食, 感覺清新。小插曲: 本來係頭盤嘅沙律變咗最尾先到, 職員知道漏單都好快跟進, 而且真係好有禮貌咁表示歉意, 所以開胃醒神嘅頭盤變咗消滯解膩嘅尾盤都未嘗不可。🍽 白酒煮蜆配法包D 蜆肉粒粒都脹卜卜, 好多肉。面頭放滿洋蔥粒同蒜粒, 好惹味。個汁有少少白酒味之餘亦好 Creamy, 用嚟蘸法包真係好好食。🍽 火焰紅酒燴羊膝呢個可以用表演嚟形容, 因為隻羊膝會著火架, 成個過程都好神奇, 係一個比人打卡嘅好菜式。羊膝有濃濃羊肉味但唔會太羶, 燒得剛剛好唔黐骨, 肉質軟腍。下面個薯蓉整得好香濃同幼滑, 真係會一啖接一

以飛機艙做主題嘅餐廳香港比較少，喺大角咀就有一間。飛機窗口位只有兩枱，要預訂先有，小編同朋友一早訂咗，當日下午12:00開門就到。有前菜有主食亦有lunch menu，小編同朋友就揀咗兩款主食一款前菜，整體來講餐廳在食物服務環境都不錯，值得推薦。🌹鵝肝多士小編對鵝肝有偏愛，因為口感上紮實細緻而且入口即化，香氣亦綿密，而鵝肝表面通常都會烤過，會有少少燒香脆感，小小一件唔會膩但開胃，係前菜必選。這個小小鵝肝多士都有伴碟，係黑醋煮洋蔥，酸酸甜甜，更加開胃，最後仲有一片無花果，讚。🌹火焰紅酒燴羊膝冬天食羊感覺暖胃，今次餐廳有羊膝，立刻點了。上枱見到大大一件連骨嘅羊膝就已經興奮，服務員叫我哋不要動，因為要做火焰效果，她將點咗火嘅酒倒在羊膝上，大約半分鐘羊膝再一次烤香，香味立刻撲鼻，非常吸引。肉質方面，小編覺得比羊架更嫩，差不多不用切就可以撕開，味道相當入味，小編非常喜歡。🌹帶子墨魚汁意大利飯意大利飯有好多煮法，用墨魚汁做比其他做法少見，點了試試味道如何。墨魚汁顏色好黑，食時嘴唇牙齒都變黑，千萬不要沾到衣服，有可能洗不掉。味道方面，其實墨魚汁沒什麼特別的味道，跟其他海鮮一樣，都係海水一樣嘅淡淡鹹腥