好時沙嗲

Open Now

Now Closed

好時沙嗲可以話係遠近馳名今日經開… 就黎重溫一下是的，總有一些餐廳… 唔係話好好食，但你久不久就想去探下佢😄😅😅今日食辣椰漿飯、炒蘿蔔糕、沙嗲串三款先不論好唔好食….但三款個味道都各有特色，而不失和諧咁樣已經好好需知道，不少新加坡… 印尼食物千人一面… 一間店… 無論你點什麼菜式，味道都大同異今日最好食的是炒蘿蔔糕沒有什麼蘿蔔味……但糕的質地軟硬適中，糯而不稠，充分吸收濃郁的醬汁材料非常簡單，卻很滋味！辣椰漿飯…虛有其名，一點都不辣！但有不錯的椰汁香！而且蛋煎得香脆，有香濃的魚露味，加上，旁邊的濃濃的香蝦醬汁，各種香味交織，令簡單食材，仍能令人食指大動。沙嗲串做得一點都不精緻，尤其是牛肉，略為粗糙，但卻讓你….覺得與環境十分配合😅……畢竟，它又不是什麼高級餐廳，肉串算是有風味的一碟。但最令我失望的是，今日的珍多冰……就是一杯不好飲的珍多冰……不用形容，大家應該都有經驗啦😆😆

呢間鋪係好時中心入面，麼天道附近唔算難搵既餐廳。入到去佢係有兩個鋪位，7點去到都算多位唔洗排隊，但食下食下發現都係坐滿晒人。今次叫左炒通菜，炒蘿蔔糕，海南雞，巴東牛肉同埋兩杯飲品。海南雞既油飯同雞絕對係必叫 因為簡直係超值又好味。巴東牛肉個汁都好濃好特別撈埋薄餅食一流。另一樣必叫既係炒蘿蔔糕，佢係有少少濕但味道十分香口唔覺意就食晒。飲品黎講椰汁珍多冰真係有驚喜，佢係落左啲焦糖係底，估佢唔到非常之好飲

這家店的賣相雖然比較平實，但味道絕對沒話說，絕對是會一直回訪的一家店，香蘭葉包雞(55hkd)是現做的，超級燙嘴，我把葉子翻出來的時候差點沒被燙死😂雞肉的黑胡椒跟香葉味道十分突出，喜歡有點辛香料提味的人絕對會愛，也非常符合我的口味，。炒蘿蔔糕(61hkd)裏面加了蒜、蝦仁、雞蛋、港式XO醬、醬油、青蔥等的材料翻炒，吃起來鍋氣十足，看照片也也可以感覺到味道跟料都是很充足的，這家店絕對是想吃東南亞菜不錯的選擇!

好想食沙嗲野...上OpenRice搵下...見到呢間好多like既食肆....喺一個辟辟地既商場..心諗都應該唔會太多人姐...上到去...不似預期....都唔少人喎...原來右邊坐爆人 去左邊間鋪...叫左個炒蘿蔔糕...海南雞飯...同埋喇叭...個炒蘿蔔糕 唔係唔好食，但好油...好罪惡感...食完都應該要跑好多個大球場先消耗到d豬方😂海南雞飯...ok la..唔係真係咁特別...可以既..個飯就......淋左d囉🙈🙈個喇沙香椰味既...但成層油喺上面.....🙈🙈🙈2個人叫3樣野...好飽既...都抵食既...但唔應該帶屋企人黎食...因為真係「油」如果想食健康既野...就唔好諗啦如果無所謂 要增肥既話 呢間啱曬你😂😂😂BTW 個呀叔既態度真係麻麻地....

大人今日好介紹，去左呢間新加坡菜餐廳--好時沙嗲。位置唔難搵，尖東好時中心1樓，5點多去到食下午茶，門面有d眼熟。。。人唔多，探完熱搵個位坐低，望一望餐紙，好眼熟，懷疑應該十年前黎過，有緣，哈😄睇餐牌，價錢公道，叫個炒蘿蔔糕，同埋大家最愛的沙嗲串燒(半打)，雞/牛/豬各2串，加杯珍多冰！好快上菜，先黎蘿蔔糕，有咬口，醬汁味濃，仲要有蝦仁，好食！然後串燒，唔算大串，但好食，沙嗲汁更加絕配！珍多冰，椰奶超滑，好飲，跟野食仲要半價！埋單連加一$135，平靚正。👍🏻另外想讚一下樓面姐姐，服務好👍🏻

午市去食，上菜速度非常快，叫完5分鐘到就食得😂😂都唔知係未好事#叻沙 $51湯底椰奶味香濃，而且煮到好杰身🤤唔算好辣，唔食得辣既都可以試，米粉量非常足，每條都索晒啲湯，但配料就有點少😕食晒啲餸都仲有半碗麵剩#星洲炒蘿蔔糕 $60上台時已經覺得唔夠熱，但調味唔算差，都好大碟😝

星期五夜晚約左朋友喺尖東唱k，一於喺附近醫左肚先一行5人叫左6樣餸，包括海南雞、巴東牛肉、粉絲蝦煲、星洲炒蘿蔔糕、串燒沙嗲、炒芥蘭、另加2碗油飯海南雞🐔：份量幾多；肉質嫩滑冇雪味，不過雞味唔算濃；有3款醬汁可釀巴東牛肉🐮：d牛肉好入味，個汁煮得好濃又會太油，撈飯一流；望落細兜但其實夠食粉絲蝦煲🦐：呢味菜有驚喜，同平時食開乾爭爭嗰d唔同，佢係湯浸粉絲嘅形式，d粉絲索曬蝦湯嘅味道，湯頭甜甜地好有鮮味，d蝦大隻得嚟又彈牙星洲炒蘿蔔糕：好惹味，又一送飯之選；有蝦仁有蛋有蘿蔔糕，係略嫌油左少少串燒沙嗲：(冇影相) 豬牛雞食齊，個味係正嘅，不過d肉質腍得濟冇乜咬口炒芥蘭：特登叫左佢少油，清清地中和返其他餸嘅油膩感食左咁多野每位都係$108，誠意推介👍溫馨提示：個門口好隱閉有d難搵，搵到辦公大樓既lift位轉左條路直入就會見到

原址重開嘅好時，地方好坐左好多，門口多左部機拎非仔等位，等位時已經睇定食咩餸（因為真是等了又等），感恩3口子有張4人枱坐得比較舒服，一坐低當然即刻嗌野食先，眼闊肚窄MODE IS ON海南雞飯一大碗油飯，加綠色有薑蓉FEEL嘅醬，清湯WZ海南雞，好滑！好香！黑色甜甜地，有3隻醬，整個TRAY都俾到好豐富嘅味道我地。炒蘿蔔糕辣味十足嘅炒蘿蔔糕係今次未睇menu已經唸住order嘅餸, 之前食過覺得蘿蔔糕整得好好味, 好蘿蔔, 好足料, 加埋配料炒埋一碟, 勁香炒芥蘭唔係硬bang bang嘅芥蘭串燒豬牛雞各一款嘅串燒, 係最後至送來, 個醬不錯海鮮炒河河粉好大"片"炒得好均勻同好鑊氣~ 食埋佢之後投降了，飽哂雖然開返嘅好時都咁好味，但總係無以前咁正，尤其炒蘿蔔糕....好啦！我唯有再去幫襯食真啲啦嘻嘻！

聽就聽得多，終於有朋友開口話去食呢間係尖東嘅好時沙嗲。八點上到去，冇book位，四個人等咗十五分鐘就有位，環境係一般般架啦。喇沙米粉，必食！有魚旦 豆卜 蝦仁，個湯杰杰地，米粉都算爽，好好味！四個人一人分到一碗。炒蘿蔔糕，用咗菜脯 蝦仁粒 蛋 一齊炒，似食緊甜嘅炒蛋。炒芥蘭，用蝦米仔炒，好香魚露 蝦醬個d味，應該每枱都有叫炒菜。肉骨茶，味精湯，好大碗湯 但得幾舊肉，後悔。咖哩雞，好杰 偏向酸味的咖哩，侍應話用咗酸籽去煮 酸係正常。唔好期望有一舊舊雞，因為已經煮爛哂 同個汁溶埋一齊。薄餅，脆嘅 好味！油飯，重椰香 少少甜， 唔似海南雞個d油飯，勝在夠大碗。四個女仔 埋單每人$100，飽住走，仲有好口渴 因為味精都幾勁。

真係唔知點講，昨天放假先黎食完碟【海南雞飯】，今日油麻地放工，唔知想做乜，冇野想做，唔想喺旺角食野，就行咗過黎尖沙咀了。。。又係為咗哩間【好時沙爹】。。。我上癮了，人工又唔高，又要養家，就黎破產了 長話短說，聽講【星洲炒蘿蔔糕】幾好味，就哩味啦，感覺上好似惹味咗少少，再單就碗【椰汁飯】啦～話咁快，真係話咁快，碗飯就上檯了。。。。。。真係我望住碗飯，碗飯又望住我，如果佢有眼睇嘅話，碗飯應該都會覺得好。。。算，當我冇講過，照食！ 味道唔錯啵，感覺同碗油飯一樣，好夠味，不過唔知係咪隔夜嘅原因，有飯焦wo，一粒粒硬硬的，美中不足囉，希望下次運氣（？）好啲。。。蘿蔔糕黎喇，顏色深深地，一睇就覺得鹹，但哩個只係睇嘅感覺，食落味道就啱啱好了，冇錯，味道係有少少濃，所以我咪有先見之明，要多碗椰汁飯囉，如果你地又係一個人又食得落嘅話，咪同我一樣咁食囉，不過如果食唔曬就唔好浪費喇。。。蘿蔔糕軟軟的，唔係粉粉的，真巴閉食到有蝦（之前食過碟炒飯，見到有蝦，但食唔出有蝦的），唔係話好好食，但感覺已經收貨了，一啖蘿蔔糕，一啖椰汁飯，感覺就好似喺屋企食飯咁，舒舒服服的～如果啲飯唔硬就更好了。。。整體黎講食得舒服，但

去睇子華TALK SHOW前醫肚!! 因為朋友說這間很出名及好吃, 我們又很多人沒去過, 所以就帶我們搵食, 我們下班早, 六點半前不算太多人, 愈來愈多人, 地點是有點難搵的!!!幾個人叫了不同的款式!!! 滋味滋味~~~朋友推介的, 其實我唔知加多加多是什麼, 是一種傳統的名字, 但那個汁再配合脆薯片及椰菜, 又真的是有種奇妙的化學作用啊!!! 汁很濃, 有點似咖喱混椰汁及沙嗲, 還有少少辣, 但很野味!!!朋友說她妹妹很喜歡吃的, 我覺得上桌有點似之前吃印尼菜的黃薑飯佈置(當然這不是黃薑飯~), 因為又是有魚仔, 蝦肉, 花生等的配料, 不過我蠻喜歡那個蛋奄列, 而飯真的很有椰汁味, 很香還稔~~不過, 不可吃太多, 因為會很飽~~~嫩嫩滑滑的海南雞, 出色~~最喜歡那三款醬汁, 雞油飯不太油適中, 還有一碗清清地的湯配一起, 很不錯!!!我出街吃飯很少吃, 因為有兒時害怕的回憶, 不過這個菜老闆們很識揀, 因為很嫩, 不是那麼多...不過不失, 肉有些燒得比較UN, 不過醬汁很出聲, 最喜歡有花生粒的, 野味!!!非常好吃, 怪不得是這個的推介, 朋友說一定要叫, 我覺得有很多

三個人食, 叫左好多野~ 炒通菜, 海南雞飯餐, 咖哩魚, 炒蘿蔔糕. 其實呢度ge環境, 可以講得上係好差… 都幾dirty, 冷氣超凍, 又好吵; service都晤係好…炒通菜一般ge馬拉盞炒通菜, 味道ok, 晤會好辣, 有少少甜, 幾有風味.咖哩魚只係$80! 估晤到佢咁大條! 超抵食!!! 味道ok, 係原條魚拿去炸, 無落脆粉, 之後再用咖哩煮, 配料都係洋蔥, 青椒, 紅椒, 黃椒等, 同一般咖哩ge配料差晤多. 咖哩味道偏濃, 係好濃味, 不過就晤係好辣, 配上無脆粉ge炸魚, 另有一番滋味~海南雞飯餐有海南雞, 油飯同湯個湯味道好濃, 幾好飲, 褒左好耐咁~ 油飯味道偏鹹, 無咩椰香, 但都幾好食~ 雞肉都係比較腍, 味道ok~ 三個醬, 都係印尼豉油, 薑蔥, 辣椒, 不過呢三個醬都無咩味, 晤知點解...炒蘿蔔糕雖然質地麻麻地, 太粉太腍, 不過味道好好, 炒ge配料有梅菜, 蛋, 同埋其他野~

屯門街坊從whats app傳來好時喇沙一碗, 絕對是引我食慾!在獨樂樂不如眾樂樂的念頭下,尖東好時吃雞團即時在whats app裡出現,幾位好友隨即表示參興,一於擇日出發!下班時間後已有點冷清的商場本不知道其所在,結果循著那碗碟撞擊聲,好容易就找到這家位處轉角的好時沙嗲;以電話訂座時,操不純正廣東話的伯伯已告知所訂時間是晚飯高峰期,就算訂了枱也要稍等,在有心理準備和冷氣充足的商場裡等候其實也不是苦事,尤其我們可以邊坐邊玩割草菇,轉眼已到本來預訂時間,年輕小姑娘也表示收拾好的桌子就安排給我們。由侍應奉上幾杯熱茶後,快手地開始點菜。一份雞飯豈可滿足我們四人?還是點半隻海南雞好一點,海南雞完全起骨啖啖肉的,雞皮看來白白薄薄的,不是用上泛著黃油的肥美雞隻,雞皮很軟沒有彈性也沒有什麼味道,小試一片已經足夠,只因這並不是好吃雞皮水準;薄皮下不肥美雞肉還是相當滑溜同樣地彈性不足,雞味鹹味同是欠奉,淡淡的雞肉要有味道就要靠三碟三色醬汁幫助。綠色是磨得細碎的蔥蓉,加了油份的香蔥仍很有蔥香,吃後也沒有討厭的生蔥味;黑豉油一向是我的主打,濃稠偏甜的黑豉油令淡味雞肉回復好吃程度,不過我還是想用它來配碗白飯,

終於俾我黎到咁出名的餐廳，雖然話係尖沙咀，但係都幾唔就腳!! 同朋友慕名而來，滿心期望 ~~~二話不說就點左佢最出名的海南雞，因為我地得2 個人，點得唔多野，所以都係點d 穩陣d 的炒蘿蔔糕 同 福建炒麵。先黎 炒蘿蔔糕 ，好香，相都影唔切己經擺左 2 舊落口 ~~ 好香口，微辣，甜甜地，仲有幾隻蝦，正 !! 一定要襯熱食，因為一凍左d 蘿蔔糕好"立" 口 ~~ 第一碟野黎到咁好食 ! 令我更加期待其他野食 ~~~~ 跟住好快招牌菜黎喇 ~~~ 海南雞油飯 ~~~ 先飲雞湯，好淡 !d 雞都無味，要靠點醫先有返d 味，但係d 醫都唔特別，出面食無分別 !! 欣賞既係佢d雞係好滑，半脾半翼，都算唔話得 !! 我只可以講我對佢太有期望，整體上佢唔係差，只係唔特別好姐 ~~ 令我有少少失望 !!! 最失望係 福建炒麵 ~~~因為佢係濕炒 ~~~ d 麵食食下淋晒 ~~~ 又係無乜味 !可能先黎一碟濃味同勁好食的蘿蔔糕的關係 ~~~ 之後黎既野食都覺得無味 !!! 不過我expect 食星馬野係食d濃味野。其實佢d 野唔係唔好食，只係無我期望中咁好食 !! anyway ~~ 今餐都算抵食