Video
Read full review
2011-05-22
122 views
適逢閒日放假, 唔想浪費一個咁好既朝早, 去咗中環嘆早餐. 單睇"咖啡室"喱個名, 係一間有番咁上下歷史既餐廳, 但室內裝修又幾新正, 幾寛廠, 最特別既係喱度以一條小樓梯分咗兩小層, 以欄杆分隔, 另樹一格! 牆身舖滿正方形藍色磚瓦, 顏色望落好舒服. 過咗番工時間, 餐廳無咩人, 唔使同人迫, 又唔使搭枱, 我地揀咗個卡位坐, 自成一角, 正!我叫既例牌早餐永遠都係炒蛋面包, 雪菜肉絲米配熱奶茶. 炒蛋多士喱度配既多士, 一塊切開兩片長形, 厚度同平時留下餐廳既比厚成三倍, 可惜唔係即烘, 似乎放久了, 唔熱, 質地又淋又靭, 而且牛油就算溶化後都唔夠香, 差咗啲. 炒蛋炒得適中, 唔會太熟, 仲有一絲既蛋汁保留住. 將炒蛋放在多士上, 一齊咬落去, 係我最鐘意而且覺得最好食既食法, 有人鐘意分開蛋有蛋, 面包有面包咁食, 但我個人認為一齊食會無咁齋. 雪菜肉絲米米粉夠淋, 味道可以, 但唔係我食過最好食既. 分量都算多, 有啲餐廳比得"一住仔", 到喉唔到肺, 又可能係喱度嗰兩塊厚方包夠頂肚, 顯得夠豐富. 餐肉意粉晨早流流食意粉總係覺得怪怪咁, 而且意粉頂多配叉燒先似樣, 喱
過咗番工時間, 餐廳無咩人, 唔使同人迫, 又唔使搭枱, 我地揀咗個卡位坐, 自成一角, 正!
我叫既例牌早餐永遠都係炒蛋面包, 雪菜肉絲米配熱奶茶. 炒蛋多士
喱度配既多士, 一塊切開兩片長形, 厚度同平時留下餐廳既比厚成三倍, 可惜唔係即烘, 似乎放久了, 唔熱, 質地又淋又靭, 而且牛油就算溶化後都唔夠香, 差咗啲. 炒蛋炒得適中, 唔會太熟, 仲有一絲既蛋汁保留住. 將炒蛋放在多士上, 一齊咬落去, 係我最鐘意而且覺得最好食既食法, 有人鐘意分開蛋有蛋, 面包有面包咁食, 但我個人認為一齊食會無咁齋. 雪菜肉絲米
米粉夠淋, 味道可以, 但唔係我食過最好食既. 分量都算多, 有啲餐廳比得"一住仔", 到喉唔到肺, 又可能係喱度嗰兩塊厚方包夠頂肚, 顯得夠豐富. 餐肉意粉
晨早流流食意粉總係覺得怪怪咁, 而且意粉頂多配叉燒先似樣, 喱度竟然有餐肉意粉, 最估唔到既係大爺竟然會揀嚟叫, 果然與別不同. 熱奶茶
另一個估唔到即係大爺竟然叫熱奶茶, 開頭落單無留意到佢叫咩, 我知大爺唔應該係叫熱奶茶, 當阿姐拎兩杯疑似奶茶飲品過黎既時候, 我仲愕然反問阿姐另一杯係咩黎, 大爺先話佢係叫熱奶茶! 真係十萬個為什麼! 奶茶好香, 夠濃夠滑, 第一口飲完非常滿足! 不過餐廳冷氣太大了, 熱奶茶好快吹到凍晒, 味道差啲啲, 奶茶都係越熱越好飲, 下次要叫後上.
又有另一驚喜, 飲完杯奶茶見到有個圖案, 睇番宣傳單張, 原來係黑白淡奶70週年搞既宣傳活動"好味尋杯底", 只要影低杯底圖案再上載去facebook(至愛黑白淡奶 I ♥ Black & White), 就會有個e-stamp, 憑e-stamp可以去OK換購一套插畫黑白奶茶杯. 不過原來唔係個個杯底都有圖案, 今次大爺就無運行喇.
又有得飲, 又有得玩, 大家不妨飲杯熱奶茶, 碰碰運氣!
Post
