Spade by Lassana (Closed)

平時好少去油塘個邊咁岩今日行過同埋見到哩間店舖於是就去左幫襯喇～～～店員服務態度幾好會講解返邊隻炒雪糕比較受歡迎於是我就聽佢講選擇了哩款raspberry除了生果有士多啤梨同埋藍莓紅莓外仲有macaroon同埋百力滋整得靚之餘 味道都唔錯每一啖的炒雪糕都可以食到藍莓同紅莓真係足料!!炒雪糕唔會好快溶 生果都新鮮 正!!!而且個waffle都好脆 嘿嘿 整體來講 都唔錯!!

今日同屋企人去大本型行街，新商場，第一次去逛逛睇下有咩新發現咁.哈哈......其實係經一位朋友講過話嗰到有間雪糕店，極力推介我去，因為佢知我好鐘意食雪糕，仲話係炒雪糕,所以經佢講完之後搞到我心郁郁，事關油塘lee個地方距離我屋企好有距離，但係無辦法，最後都決定咗今日要去試一試！一去到個商場，原來間雪糕店就響商場個大堂嗰層，好當眼，好開陽，仲驚好難搵，但係難就難在我唸咗好內都決定唔到食邊隻味既炒雪糕，真糟糕！最後經過好內既時間後我揀咗宇治金時，我屋企人就叫咗杯熱latte. 值得讚既係d綠茶雪糕好濃郁好滑，帶有甘甘地既味道，加埋其他丸子同芝麻配料好有香好有口感.Latte 亦好香濃，熱度剛剛好，唔會太凍亦唔會太熱。拉花拉得好靚, 見到d 店員都好認真細心咁沖每一杯咖啡，送上既時候都面帶住好窩心既笑容。原來佢地旺角䦕左分店，咁以後都再可以同朋友隨時再去試試喇!!!!!