聯發茶餐廳

Open Now

Now Closed

邊個話去九龍城只可以食泰菜架？今次黎到九龍城同大家分享既系一間看似平凡卻不平凡既人氣茶記 一 由「澳牛」第三代主理既 聯發茶餐廳 《食神》入面有一句經典對白： 「只要用心，人人都可以系食神」滑蛋依樣嘢，話易吾易，話難吾難，但又差之毫釐，謬之千里。要掌握好火喉同時間，都真系需要相當經驗同心機。今次就試左聯發既招牌：🌟炭火叉燒滑蛋飯 $98滑蛋有蛋香之餘，質感非常滑溜叉燒夠淋，仲有小小燶邊位更加分配埋佢地既特制自家醬油 🤤👍

九龍城入夜後，餐廳門庭若市趁晚市未算多人，提早食個晚飯。🌟西多士餐$42加凍飲$2由下午2:30至6:00供應，點咗一杯紅豆冰，紅豆軟熟粉糯入味👍🏻西多士厚切，炸得唔油膩，保持乾身，夾着花生醬內，再加埋糖漿，非常邪惡😍但口感一啲都唔油膩。🌟窩蛋牛肉煲仔飯$108新鮮即叫即製，原煲熱辣辣上，再配埋佢秘製豉油，一絕😋 佢嘅甜豉油係精粹所在！食到最底有飯焦，絕不欺場😚🌟炭火叉燒蛋飯(炒蛋）$98叉燒配炒蛋，茶餐廳最佳配搭。炒流心滑蛋加上肥瘦適中嘅叉燒，一定要加佢借豉油，立即提升味道。🌟雪糕咖啡$38好少茶餐廳有呢個配搭，對於有飲咖啡嘅朋友絕不陌生。咖啡香濃，倒入雲呢拿雪糕，香甜又香滑🥰餐廳侍應姐姐服務好貼心，又醒目👍🏻👍🏻人均消費大約$100，下次去九龍城唔一定食泰國菜😆😆

屯馬線開通係咪好興奮呢？ 大家就多啲機會嚟九龍城、土瓜環附近覓食啦！今次我哋嚟到九龍城聯發茶餐廳嚟食返啲貼地茶餐，可能仲會有機會撞到發哥添！.（🌟為推薦菜式）🌟炭火叉燒滑蛋飯 $98 嚟聯發就無可能唔食依度食遠近馳名嘅叉燒蛋飯啦！👨🏽應該都有幾年無嚟嗎，以前五、六十蚊，依家加到差唔一百蚊，不過份量都幾大，一個男人絕對食唔晒。雞蛋炒得好滑，有蛋香。叉燒好厚切，半肥瘦，炭火香就唔係好食得出，但係above average嘅叉燒嚟嘅！👨🏽建議一定要問侍應拎豉油，撈埋落去更加好味！.🌟特餐 $66 牛油多士烘得啱啱好，煎雙蛋🍳夠晒靚仔。沙嗲鮮牛一丁先係重點，鮮牛肉切得好好，完全食唔到筋，廚師都無用太多梳打粉去醃牛肉，所以牛肉仲好嫩，沙嗲就正正常常。一丁都煮得啱啱好，唔會太腍又唔會覺得爽身💯，將咁簡單嘅嘢都煮得咁好食🤤。.雖然茶記嚟講，貴就貴咗啲，但質素真係好好👍🏻，唔怪得👨🏽咁鍾意依間茶記，成日都話嚟食啦！但係$98一個飯又真係貴咗啲，仲要無包嘢飲，👨🏽就寧願份量細啲，價錢平返十幾廿蚊仲好啦！

早餐$43火腿通粉火腿份量多，味道正常。通粉好食喎！係圓身果種通粉，但因為煮既時間啱啱好，唔會太淋，仲有啲口感，唔錯！湯底味道幾清，唔會過鹹或好油膩，食落有種舒服既感覺，幾好！牛油多士多士有兩片，焗得夠脆。可惜牛油落得太重手，增加左油膩感，同時亦令多士沾左牛油既部份變淋，影響左口感滑蛋顏色金黃，賣相好靚。保留左少少蛋汁，唔會過熟或太生，滑蛋尚算嫩滑，但放耐左蛋面會變乾，要盡快食。較失望既係滑蛋欠缺蛋香。旋風蛋西炒飯 $78旋風蛋保留到蛋汁但唔會過生，火喉控制得幾好。蛋包圍住西炒飯，以為蛋會好薄，但都有少少厚度。西炒飯飯粒炒得乾身、粒粒分明；加左茄汁去炒，食到微微酸味，飯既味道自然會較白飯鹹。而飯入面仲加入左腸仔，越食越鹹，扣左唔少分整體而言，賣相真係好靚，無得彈。但味道唔算特別，蛋仍然缺乏蛋香，西炒飯過鹹。以哩個質素但索價$78，有點進取，性價比低。炭火叉燒滑蛋飯 $78叉燒有八塊，可惜唔記得左叫瘦叉，我地哩碗既叉燒係半肥瘦。叉燒味道幾好、夠入味，帶少少蜜糖味；肉質夠淋，唔會太韌咬唔到。全瘦既叉燒肉質更硬實，如果有下次我一定會叫瘦叉~滑蛋應該同茶餐既一樣，但叉燒、滑蛋、飯撈埋甜豉油黎食