南洋 (Closed)

疫情下喺屋企困住左好耐，俾自己放下封！同好耐無見嘅老友去左行下九龍公園散下心，行完去食下午茶先！睇門口的餐牌，價錢都大眾化，就試下啦！我就嗌左「香茅雞翼喇沙摻摻」﹑「牛油果沙冰」﹑「炭燒豬頸肉米紙卷」。朋友就嗌左「炭燒豬頸肉撈濛」﹑「越式香茅雞翼」﹑「紅豆椰汁冰」嘩～超豐富呀！講下野飲先～「紅豆椰汁冰」口味很清新，軟棉棉的椰汁冰喺個口度溶化，好有幸福嘅感覺。紅豆煲得多淋，夠哂甜！大大杯，好滿足～「牛油果沙冰」雖然要加$36，但真係太好飲。滿口超濃郁牛油果香氣，超滑超CREAMY，滿滿牛油果加上CREAM同少少冰，加埋少少甜味，令人一試難忘!兩個小食都很不錯，豬頸肉米紙卷入面滿滿新鮮的菜，豬頸肉熱辣辣，一啖食哂口感好豐富～仲有香茅雞翼，新鮮炸起脆卜卜，仲夠哂大隻！炭燒豬頸肉撈濛個樣又幾新奇啊，有四支試管，汁好有蒜味﹑酸酸甜甜，好開胃～個樣好過引！香茅雞翼喇沙摻摻，摻摻其實係油麵加米粉摻埋一齊。兩樣好似唔關事，一齊又好夾！加埋個湯好香濃唔會好辣亦唔會好咸。總括而言，呢個下午餐真係超豐富，特別係兩杯飲品特別好飲，食物質素都唔錯，可以再來！

黎呢邊睇牙醫順便喺度食飯，見到呢間新開嘅東南亞餐廳嘢食好似幾特別，似乎有不少菜式都係自創，就試吓~餐廳環境不錯，有用心裝修過，最喜愛店舖牆上裝飾，幾特別~咖喱脆皮牛腩飯~第一次見呢款配搭，牛腩經過油炸另外皮變得十分香脆，但內裏牛肉仍然保持嫩滑，富油香，同自家配製嘅咖喱味道十分夾，咖喱少辣，但香味重，味道不錯~炭燒豬頸肉飯~豬頸肉啱啱煎起十分香口，外皮香脆，豬肉爽脆，配飯食一流，如果有醬汁配搭味道會更上一層樓~蜆港蝦餅(半份)~午餐可以有一份小食，蝦餅啱啱炸起，熱辣辣，肉質結實，有香濃蝦味，食到粒粒蝦肉~炭燒豬頸肉米紙卷~第一次見豬頸肉米紙卷呢款配搭，米紙卷嘅材料以蔬菜為主， 十分清新，加入豬頸肉令整個味道更香口，令味道層次更加豐富~冬瓜龍眼冰~第一次見呢款飲品配搭，估唔到冬瓜嘅清甜味配合龍眼味道幾特別，甜度控制啱啱好，不會過甜，比較適合夏日消暑~椰汁冰~椰香味重，加入碎冰令整體口感提升，而且有creamy感覺~

剛好和男友去佐敦，見到南洋的午市套餐幾抵食，就試一試！性價比甚高😛南洋生牛肉牛腩片湯金邊粉($52)湯頭清甜，蘿蔔入味，牛肉嫩口份量多😍配上香葉青檸很提鮮😋健康之選！男友叫了個炭燒豬頸肉湯河粉($46)豬頸肉很香口！又脆又有油香❤️河粉爽滑！非常抵食👍🏻炭燒豬頸肉米紙卷($12)點上魚露酸甜又開胃，充滿蔬菜🥬很有益的感覺！越式香茅豬扒($18)有蒜粒很香口，炸粉不會過厚👍🏻炸得香脆，肉質嫩口，很不錯！椰青($23)大大個超清甜😍頓時覺得滋養了！菠蘿梳打($10)🍍很有東南亞風味👍🏻不會過甜我喜歡❤️不會有太大負擔的一餐！性價比又高👍🏻來佐敦不妨一吃😍