正斗粥麵專家 (ELEMENTS圓方)

Open Now

Now Closed

豪華的店舖裝修，環境舒服乾淨，第一次來圓方分店。先點了牛腩撈麵，牛腩夠冧又入味，麵就一般；炸兩就好脆。干炒牛河衹達標準無咩特別，價錢貴$105。及第粥底夠綿豬潤夠爽，值得推介。鲩魚皮未夠新鮮同爽口，薑絲少，魚皮偏撻撻，毫無彈性。話明著名雲吞，叫了雙拼雲吞水餃，雲呑好細粒，豬肉好實，而且水餃爽口但內裡的荀有渣不夠爽囗。蘿蔔糕一般無咩餡料，同酒樓一樣無咩特別好食，但是這裡的辣醬好夠辣好好味，點蘿蔔糕同炒牛河就一流。總體來說是好一般，不會再來食。價錢多方面衹有貴，因為裝修費。

獨個兒當想不到吃甚麼時，其實最簡單的就是找個雲吞麵檔，一碗細蓉便是最佳的Comfort food。是日的人在圓方跟朋友catch up後，要醫肚，於是就來到正斗。近期吃得太嚴重，腸胃一般就改吃瑤柱白粥和炸両，其實幾喜歡店的粥，煲得夠綿有米香，瑤柱也拆絲拆得仔細，在這個寒流天氣，正好暖胃。而炸両也做得皮薄，餡也夠鬆化，正好是配白粥的良品。簡簡單單又一餐，人與事其實又唔需要想太多，醫好肚最緊要。