大吃大喝 (Moved) New Location

今日經過開油麻地，見一個小食店嘅三文治幾吸引，所以就想買一個返屋企食😋可惜我遲黎左一步，三文治嗰日已經賣晒🥲 唯有試下其他小食。我買左一個蜜糖芥末醬嘅薯條。薯條炸得好香，唔會好油，加埋個蜜糖芥末醬，食落口更滋味。另外，我都買左一個招牌蛋餅。中間有芝士、肉鬆同埋火腿做配料，非常足料。蛋餅外面好酥，但係食落去口感有啲煙韌。加上醬汁落得好足，好正👍🏻我都有買炸燒賣，都炸得好香。最後我都有試下佢嘅樽仔奶茶。茶底夠濃，入口嘅感覺好滑，唔係好甜，唔錯👍🏻整體黎講，小食店嘅食物都唔錯，下次會試埋佢嘅三文治先得😋

去開附近睇醫生經過見到呢間小店門面企企理理 野食又好似幾岩胃口 叫左餐蛋治，蛋餅，炸燒賣，紫薯餅同埋樽仔奶茶一打開個餐蛋治都打個突😨塊餐肉咁厚賺咩呀🤔個蛋又滑 塊包又厚 食左一件都飽左一半🤣仲要好食果下衰格丫嘛🥲蛋餅我就叫左芝士火腿肉鬆，雖然唔係同台灣啲蛋餅一樣 但係都好香好好食🤤炸燒賣外脆內軟 加埋啲椒鹽..我2分鐘食哂🤫Er....紫薯餅真係好好食 唔會太甜 我掛住食無影相呀😭😭😭至於枝奶茶...除左出位我都無咩好講好少可飲凍奶茶都咁有茶味 又唔會太甜 岩哂我呢啲又要飲奶茶又要叫少甜怕肥既人 睇我飲淨幾啖先記得影相就知有幾好飲啦🤪總括嚟講..呢間小店絕對有回頭 下個月再出黎睇醫生都要再去支持