九份飽 (蜆殼街) (Moved) New Location

呢間台灣野排哂隊～試下先紅燒牛肉麵湯底好濃牛肉香～啲牛肉好薄，口感好，牛肉味重！配合芫荽、酸瓜、蘿蔔，菜脯浸住湯底好正👍🏻美中不足係個麵底，有鹼水味；如果唔係呢隻麵底就Perfect喇！懷舊滷肉飯鹽酥雞+滷肉飯D飯係爛飯黎，太淋仲差過自己煲既飯🤣滷肉太少啦！同埋冇乜魯肉汁（如圖）Ps： 食完好口渴炸甜不辣有驚喜！配埋個泰式辣醬外脆內軟，表面仲係鹽酥粉。口感Q軟有彈性極推薦👍🏻玉米起司蛋餅好正😍😍要熱辣辣快手食，凍左就唔正蛋香濃郁，餅皮香口，爆滿粟米粒再加埋半溶芝士，口感煙韌。咸咸又甜甜，味道好夾！！！推薦！！胚芽珍珠奶茶好好飲，我揀咗少甜。淡淡的麥香，胚芽味，加埋奶茶🥤建議唔好加珍珠，個人覺得唔搭。唔加黑糖珍珠會比較好。檸檬蜂蜜套餐加$10就有一杯又係揀咗少甜檸檬味重，好清新，但係少甜都好甜。人爆滿。

呢間九份飽其實想試咗好耐，之前經過淘大分店有買過一包渣甜不辣，覺得佢好煙韌又大包好抵食！炮台山分店其實經過好多次，但係次次做嘢時間都唔啱，今次終於有機會試吓。我係星期五下晝12:45去到，前面有兩個人排緊隊，等咗大約10分鐘有位，因為店內位置唔多，我入咗去之後出面已經好多人等。去邊度食台灣嘢都一定要試滷肉飯！仲有我最愛嘅甜不辣！呢度嘅甜不辣都屬於不規則，同埋夠煙銀！我鍾意！（而且佢比起其他鋪頭，真係超大份，讚）而魯肉飯係正宗用魯肉切粒，帶點肥肉，正！而且汁料味道都係台灣嘅感覺！不過唯一唔好，我覺得飯是有點硬，不過勝在夠多汁，所以都OK！呢間絕對可以Encore，又搵到多一間有質素的台灣嘢了

已經好耐冇出街食飯😫好掛住台灣嘅美食啊！早排經過呢間餐廳見到好多人排隊，今日放假決定一試以解相思之苦😚大概點半去到門口大概8人左右排緊隊，等咗大概30分鐘左右，店員出嚟量體溫，然後就可以入咗啦。餐廳面積唔係好大，加上疫情要有1.5米距離，所以接待人數比平時少，相信繁忙時間等候時間會比較耐。甜不辣略嫌炸得不夠香脆 ，調味亦較清淡，幸好有配上泰式辣醬，稍為加了一點分數蛋餅餅皮透薄有嚼勁，配上豐富的餡料，一流🤗鹽酥雞炸得酥脆，內裏保留滿滿的肉汁，忍唔住一口一口吃下去😋香噴噴的滷肉飯店家選用半肥瘦的腩肉作為材料，吃下去滿滿的幸福感，只可惜上枱時唔夠熱，減了少許分數湯底比較濃稠，味道佢比想像中淡，不過值得一讚份量挺多，而且牛腩及牛筋入味而且好冧👍🏻兩杯飲品味道正常，都係好飲嘅，而且胚芽珍珠奶茶胚芽好多最後讚一讚店家先，每張枱都有消毒搓手液比客人使用，個個保持衛生，食都食得放心啲啦😉

黎間餐廳真係唔講唔得兩個人食7樣食物 都只不過一共係$205 ！！！。1️⃣ 正宗 #台灣 食物連侍應都係講台語有少少以為真係去左台灣食野。2️⃣ 性價比極高連正餐 每樣食物都唔過 $40 .。🍜香酥排骨麵 $40🍜排骨與麵分開上 湯麵並不會令排骨變淋排骨一共有3大舊🤩以$40來講 比想像中多。🧀肉鬆起司蛋餅 $30🧀我的台仔朋友説 這 #蛋餅 勁好味蛋加上芝士已經係無敵再加上肉鬆就一流😋。🥖炸甜不辣 $35🥖聽就聽過好多次 食就真係第一次換句話就係 炸麵粉 加上甜辣醬女生記得不要比佢個「炸」字嚇親😣配上勁薄炸粉 一啲都唔油 .。🧆滷味拼盤 $32🧆豆腐 雞蛋 豬耳朵 雞翼 牛腱滷汁好香好濃😱豬耳朵 切到一條條 好好咬🤗牛腱好淋 如果有滷牛根就一流啦。🥥黑糖花生麻糬 $25🥥由於份人比較懶 唔喜歡煙銀的食物黎個 #麻糬 唔算勁煙銀反而有啲入口即溶😋甜度 沒有過甜 適合香港人好味。🥬滷青菜 $15🥬🍨肧芽珍珠奶茶 $28🍨

今日喺砲台山嗰邊放工， 午飯都冇時間吃， 唔理咁多即刻衝去搵嘢食， 正直四五點尷尬時候又未到晚市， 近蜆殼街正 正街角有間台灣小食店。裝修別緻， 好有台灣小店風味，剔紙仔點菜，饮品。 價錢好划算 一杯普通珍珠奶茶不過$20， 連鎖茶飲店 都冇咁平～！芒果多多$25 （ 八分糖）所有飲品都可以選擇甜度。 這杯芒果多多好濃益力多味 而且帶芒果酸。奶蓋紅茶$20選了半分糖， 果然嘗到紅茶嘅甘澀味， 奶蓋並非時下甜中帶咸的奶泡， 感覺比較輕盈健康👍紅燒牛肉麵$45簡直超出預期， 份量十足！ 用咗牛展取代牛肉或牛腩， 更加實際而且牛展非常軟腍入味。 麵質爽滑 唔會太腍， 湯底濃而不油膩，夠清甜食完都唔覺口渴。酥炸花枝丸$35花枝丸紮實彈牙又足料， 表皮炸得酥香， 灑了少許淮鹽粉 非常香口惹味！炸甜不辣$35熱辣辣炸起， 甜不辣其實係魚糕， 三款造型都炸得香口有彈性， 有魚味，份量不少， 美味抵食！去台灣料理店唔少得要試吓佢嘅鹽酥雞。 都係熱辣辣炸起， 外層酥脆加鹽香令到你一件接一件唔停口食！ 裏面嘅雞肉唔會好乾夠曬味！划算嘅價錢做出超水準嘅小食，麵食， 非常推介！