料理処:森 (Changed Hand)

享和街是一條著名的車房街，普遍都會忽略身旁的食肆，與其擦身而過。「這魚的肉質不會太韌，較其他的甘甜，入口即溶….」蒲進場，就聽到師傅認真講解各種魚的特式，質地及口感。食客亦聽得津津樂道。與香港普遍茶餐廳侍應那種漫不經心，認為「食你就你啦，咁多野講」的態度相比，的確大相庭徑。或許食客們對他們的認真感到詫異，於是問：「你們的老闆是日本人麼？」「不，都是香港人。」「他從居酒屋做起，那位老闆則是在酒店做起。」然後，大家從背景，生意營運，以至區內美食，日本飲食文化、旅遊經歷等等，均無所不談，知識增進不少；「食裝修」之餘，更「食」到一些在外地旅遊才能經歷的好客及熱情。閒談間，發現身旁的食客並非第一次來，其女友更透露，食客食過一次，已經讚不絕口。這次更堅持要拉埋佢落水。看來店舖的吸引力也不少。食客們紛紛擔心店舖位置會否影響生意，建議多賣廣告。他認為「又唔洗特登賣廣告。有時候，花錢係食物質素，或者運送安排方面做好D，反而仲實際。好食點都會再返黎。」然後食客好奇問起，拉麵店的湯底是否真係用十幾個鐘去淆，即使不是自己店舖所售賣的，他也能夠專業的回答「唔係。淆咁耐會有苦味，會有反效果，店舖講既時間，乘返六至

從來都好少走到荃灣區，始終我由細到大都住喺九龍。上星期喺荃灣區附近見完客，行過去西鐵站途中，經過一間同環境格格不入嘅日本餐廳。一條車房街竟然有間咁有情調嘅餐廳，確實令我覺得好奇，覺得吸引，就咁就行左入去。入到裡面發覺好特別，好似鐵板燒咁嘅格局。侍應安排坐低，坐位正正對住兩位魚生師父。未開始諗食咩好之前，魚生師父已經開始同我交流，為我講解同介紹，問我食開咩，鍾意咩口味同唔食啲咩，好專業，我就決定等佢幫我點菜。先黎前菜漬物，有蒜頭，青瓜，黃瓜等等。平時好少食呢類前菜，但係呢個好特別，味唔濃，入口感覺好清爽，好容易就成碟食晒。之後就吞拿魚冷豆腐，薯仔沙律同越米紙吉烈蝦卷。賣相好Fusion好靚，豆腐同蝦卷味道好清好開胃，令人期待下一道菜。五點刺身，三點壽司。分別有間八，愛女，三文魚，吞拿，金目刺身。壽司有帶子，鯛魚同平目。刺身就經常食，但係都係第一次有師父一樣一樣咁講解仲教埋我點食添。刺身好厚身，好鮮甜，由淡到濃味咁食法，而壽司飯都好好味，師父話係用北海道七星米整架。蕃茄豆腐。有蕃茄味嘅凍豆腐，好的意，好清香，望落有啲似午餐肉。海膽沖繩卷。有魚子，海膽同平目魚。因我愛食海膽，師父特別整俾我食