丹麥餅店

Open Now

Now Closed

每逢香港大球場有賽事舉行都會令我諗起丹麥餅店，佢炸雞肶、雞翼香味就會晌記憶中浮現。丹麥餅店無設堂食位置，右手邊係煮食既地方，而左手邊係麵包櫃位，零零星星幾個麵包，陳設古舊兼有 d 凌亂，幾個老拍擋打點舖頭，合作無間，果份親切感令我想起兒時屋企樓下熟悉既士多，一份老香港情懷。 炸雞肶：睇住老師傳將淮鹽灑落剛剛炸好既雞肶上。雞皮異常香脆，皆因雞皮既油份經慢火炸後都迫灑出黎，所以雞皮食落唔 "納" 口，雞肉又唔嚡，一絶！可惜雞肶無醃過，淮鹽只能晌表層發揮功能，食到中間位置會比啖，扣左好多分！ 芝士漢堡包：包係丹麥餅店自家製，經翻烘後包能保持温暖及鬆軟，一邊塗上茄汁，另一邊塗上沙律醬，加上半溶化既芝士，雖無講究既酸青瓜、蕃茄都非常醒胃。至於牛肉就薄薄一層，食味同質感都平平，相比紅磡好出名港式漢堡包店，質量有一段距離。另外，我好鐘意丹麥餅店所用既紙袋，一來好懷舊，二來比較環保！