很得輝 (金滿閣)

Open Now

Now Closed

很得輝係一間喺屯門嘅小食店，最出名就係佢哋嘅大大隻炸雞髀🍗🤩 但其實除咗炸雞髀，仲有另外兩款口味：沙薑同滷水～仲有好多其他小食同埋台式飲品，單買雞髀就$32，亦有雞髀配小食/飯麵嘅套餐，但都係$45左右～•🥢 炸雞髀平時好少食炸髀，因為覺得會好油膩同熱氣，但呢隻真係會忍唔住想再食！雞髀好大隻，但唔會太肥，食落唔會覺得有一層好厚嘅油脂係中間，炸粉薄得嚟仲做到好脆！雞肉好嫩好juicy～本身雞髀都有啲調味，唔另加調味粉都好食！調味粉有好多款：海苔椒鹽、香草辣、純辣、麻辣、魔蠍辣椒同死神辣椒，分咗唔同級數嘅辣，鍾意食辣嘅一定要挑戰！•🥢 沙薑雞髀未開盒已經聞到好香嘅沙薑味，食落唔會太鹹，但好入味，肉質好嫩，唔算好肥，覺得炸髀熱氣就可以揀沙薑髀啦~•🥢 滷水雞髀滷水呢款算係3種口味入面最遜色，因為滷水唔係好入味😬 可能我唔好彩，隻雞髀入面肉色有啲生生哋，又有啲紅～同埋呢隻雞髀都幾肥，皮下面層肥膏都幾厚🥺 可能下次要試多次試真啲先得😥•🥢 蘑菇飯雞髀配埋蘑菇飯同一杯綠茶先$48，而且份量都唔少，都幾抵～ 蘑菇醬汁偏甜，有黑椒粒，但食落黑椒味唔太突出，味道亦都唔係好出色，同連鎖炸雞店果款好唔同。

一直想黎呢間試下佢個炸髀，今日的起心肝同屋企人黎，出左地鐵站之後行一陣就到。我同媽媽一心諗住去食完之後仲可以去附近行下，所以坐左係店鋪附近既櫈食。首先叫左個炸雞髀+分子珍珠奶茶既套餐$50因為媽媽唔食得辣，所以只係落左海苔椒鹽既粉，唔辣帶點紫菜香，有啲鹹味調下味，為新鮮熱辣辣炸出黎既雞髀加點風味，個皮脆卜卜，肉質嫩滑，非常好食。我媽就想試下爆珠蜂蜜分子珍珠奶茶，內有爆珠同珍珠，令到飲既時候兩種口感，珍珠唔會比連鎖店既遜色，幾有趙口，加左蜂蜜就為香滑既奶茶加點甜蜜，但佢個甜度適中都唔會好甜。然後一定要提既係香芋燴薯波$12就有4粒，仲要勁好食，外酥內軟滑，表層同個涵黏黏的，唔係好知點形容，總之口感係極佳！另外仲嗌左炸花枝丸，入面充滿住一粒粒既墨魚粒，好似無乜幾可會咁足料，幾彈牙，仲有埋類似泰式辣醬配，加添美味。最後仲叫左個$40套餐，嗌左滷水雞髀 + 咖喱角4塊，加多$10叫左杯珍珠奶茶，本身諗住嗌柚子蜜，不過賣晒。但一定要提既係佢個珍珠奶茶，茶香奶滑，整得唔甜但仲好飲過啲連鎖店，飲左都唔會覺得肥，茶香味真係好香濃，而且珍珠都唔差，有趙口，下次有機會都要再飲，真係好彩佢無柚子蜜先試到佢，

很得輝的炸雞髀在屯門區內很有名，超多街坊大讚美味又抵食，可是我一直不知道它的正確位置在那裡，直到有一天朋友在很得輝附近泊車，我才知道很得輝在新金榮小廚的後面街。別看很得輝店鋪小小的，晚上9時多足足有廿多人來買雞髀外賣，亦有坐在街邊品嚐的食客，至於我們則外賣去屯門公園慢慢細味和聊天，沒有人打擾我們多好。我們分別買了兩個雞髀蘑菇飯套餐，薯條及熱玫瑰花蜜，光說已經覺得宵夜很豐盛。其實晚上9時半前光顧雞髀套餐均會附送台式飲品一杯，不過我們想喝熱玫瑰花蜜多些，故加錢配喝。熱玫瑰花蜜上飄浮數片玫瑰花瓣，帶有陣陣玫瑰芳香，在喝第一口時是蜜糖的甜美，然後花蜜流入喉嚨之間，瞬間化為無窮的玫瑰韻味，好不滋潤。大家說吃完這裡的秘制蘑菇飯，保證食指大動，我們吃過超認同呢。飯粒軟硬適中，蘑菇濃郁富香氣，醬汁帶有洋蔥的香味，濕潤的醬汁用來拌飯簡直一流。薯條控的朋友看見很得輝所賣的是他喜愛的波紋薯條，我就知道他一定會買來吃。熱騰騰的薯條非常酥脆，毫不油膩，他一口接一口吃過不停，無視我好一會呢。炸雞髀採用生炸方式，即點即炸，金黃色澤的雞皮，已為炸雞髀加分不少，朋友慢慢細咬，肉汁不斷冒出，雞肉熟度剛好，嫩而不柴，讓人回

朋友介紹去食雞髀 本身無咩期望怕又乾又多炸粉不過有意外驚喜丫 所以將人生第一次寫食評送左俾“很得輝”黎到當然叫左本店招牌“炸雞髀”雞髀係鮮炸 所以需要等d時間當老闆拎出黎 放係我面前 已經聞到濃濃香味我急不及待即刻拎起咬一口 好多肉汁好香雞味明明係雪藏雞 但無雪櫃味 睇黎老闆應該用左唔少功夫調味 炸粉剛剛好 令雞髀脆口 錦上添花 令我個胃好滿足(大家唔好好似我 嘴巴差d熱親 不過陣味太吸引XD)當然仲有其他小食 台式飲品 我鐘意手搖沖ge珍珠奶茶 仲有個蕃薯波波好正丫 仲有沙彊同鹵水味雞髀 仲有個老闆好好傾 好好人士 咩事都親力親為下次再encore試