Fish & Chick (高街) (Closed)

朋友極力推介呢間餐廳，今日陪完男朋友去附近就過黎試試！男朋友話之前幾次嚟都滿座，今日好難得搵到位😍 未黎之前仲諗緊會唔會好貴呢，fish and chip喎閒閒地hkd 150+落樓啦，見到餐牌真係喜出望外！set lunch 都係88-110左右！我同男朋友各自嗌左一個午餐set，有湯或小食有主菜仲有餐茶~ 男朋友嗌左fish & chip配炸蘑菇小食，鱈魚同薯條都炸得好好，炸蘑菇甚至係可以用外脆內juicy黎形容！我就嗌左白酒蜆肉意粉配鮮粟米蓉湯，蜆肉甜美份量亦都好多！粟米蓉湯飲得出真材實料無添加~ 店員服務非常窩心，好好人不斷提示我地小心炸蘑菇熱油啊~ 好鍾意去呢啲小店食野chill chill一個下午！繼續加油啊！！

等男人整牙,超級大雨,本想去pop street ,但佢地落場,打開地圖附近有fish & chick, 同韓式炸雞,毫無懸念揀炸魚薯條,食"毒咒","毒咒"一詞源自我同一位朋友,當時我地成日周圍飲酒食飯,點知無論去到邊間酒吧,都總有炸魚薯條哩一項食物,而結果我地又會照食,不停輪迴,為之毒咒XD一坐低,店員話師傅去左交樽仔,食物需要等佢返黎先有,真係多謝我地既正苦,人人都多左好多WORKLOAD,外面落咁大雨都要趕住出去,咁我先要杯啤酒,坐下先,反正整牙果個有排都未搞掂,鋪頭細細,但感覺溫暖舒適,正.冷氣夠,快D 幫我吹返乾件雨褸,快速睇睇menu,冇啦,一定係炸魚薯條,佢有得加錢轉其他魚魚,但更係試左原配先,沙律揀炸蘑菇沙律,我太大力啦,叉扁左粒蘑菇,搞到脆皮包住既蘑菇汁咇曬出黎XDD炸魚黎啦!成舊枕頭咁,上面仲有d 海鹽,漲卜卜,熱辣辣,下面堆滿大大碌薯條,無錯,係碌,好粗碌.配有檸角,茄汁同莎莎醬,切開魚肉枕頭,雪白魚肉出現,入口都算滑,雖未到食過既最滑,都ok,唧d 檸汁點d 海鹽,真係有海洋感覺,同出面陰天大雨,完全兩種感覺,等左好耐,男人出現,餓到佢連凍左既薯條都清曬,佢黎