Iberians (Closed)

今日同朋友黎到尖東呢間主打西班牙菜既餐廳，因為佢哋週末下午有半自助午餐，主菜都有十多款選擇，仲包埋餐湯同飲品，叧外有十多款頭盤可以任叫任食，價錢都係$308起，唔算貴。主菜方面我揀左日本鯛魚香烤塔拉戈鈉香草，而朋友就叫左紐西蘭肉眼配燒汁。日本鯛魚香烤塔拉戈鈉香草 : 鯛魚肉質厚實，食落有口感但唔會鞋，魚表現煎得香脆，但依然保持到肉汁。紐西蘭肉眼配燒汁 : 肉眼肉質好軟諗，非常juicy，肉味香濃。任食頭盤方面就點左西班牙馬鈴薯沙律同炸魷魚鬚，份量都幾多，下次同多幾位朋友一齊黎食，咁就可以叫多幾款一齊share。

尖東近住Hotel Icon原來有間西班牙菜，餐廳環境幾有feel，裝修得幾靚星期六日有semi lunch buffet，連加一大約$340-$440一個人，有餐湯同可以揀一款主食，其他小食就任order，野飲任飲，最後仲有款甜品，所以都幾抵食餐湯南瓜湯好濃，好有南瓜嘅香甜味，好飲小食方面炸物唔錯，而我特別欣賞幾款撻，黑松露蘑菇撻好重黑松露味，蟹肉蜜桃撻都幾多蟹肉主食揀咗烤紐西蘭羊T骨配薄荷醬，有兩塊厚切羊架，羊肉唔騷，而且肉嫩，點薄荷醬食好味，配菜就有紫薯同沙律菜朋友就揀咗烤紐西蘭肉眼配燒汁，烤得好啱熟度，肉帶紅但唔流血水，食落夠淋，燒汁味道亦唔會搶咗牛嘅鮮味最後甜品係西班牙油條，食落有啲似沙翁，但表皮再脆啲，第一次食，幾特別呢間值得我下次再黎

老公話Hotel Icon附近有間好好味嘅餐廳，過到黎職員介紹除咗set lunch仲有semi buffet，雖然款式唔多，但價錢同lunch差不多，又第一次黎，梗係揀semi buffet啦～餐湯係磨菇湯，食到好多磨菇肉，好香，配以加泰隆尼亞麵包，呢個包喺Tapas配醃蒜頭、蕃茄、甜椒可以無限添加，口感軟軟QQ，集孔好多，好香麵粉嘅味道，食得出用料講究。主菜我叫左日本鯛魚烤塔拉戈納香草，燒得好香滲有少少地中海風情嘅香草，魚肉仍然幾滑。底下係秘製番薯蓉，甜度同滑度介乎番薯同薯仔之間，飽肚健康又好味～Tapas同Snacks各有幾款任點，完全feel到廚師樣樣精心烹調，例如白酒煮藍青口、Parma ham配哈蜜瓜、炸魷魚鬚，炸嘅香脆入味，香酒煮本身鮮味十足嘅藍青口，酒甜+洋蔥甜味滲入青口，配合得天衣無縫～Parma ham好香肉味同油脂，上面加一粒檻欖，味道層次非常豐富～其實仲有好多款想試，因為真係每樣都非常美味，但肚子空間有限，其他幾款就留待下次～