SPICE Restaurant & Bar

Open Now

Now Closed

尖沙咀一間都幾出名嘅印度餐廳聽就聽得多 但係真係第一次去試🤣裝修簡約舒服 今次坐咗卡位嘅位置 都好闊落 坐得好舒服食物質素真係幾好 下次有機會都會再嚟食！🤩🤩.Achari Chicken Tikka $120每次去印度餐廳都會叫呢個印度🇮🇳著名的烤雞烤雞放上鐵板熱辣辣🔥🔥輕輕灑上檸檬汁肉質不會太乾身🤤不過要注意佢都係有少少微辣嘅🌶唔食得辣可以同職員講聲唔好整咁辣都OK☺️.🍖Sheek Kebab $140烤羊肉串燒去餐廳之前喺OpenRice睇到有人comment話羊肉串燒好「蘇」味道比較濃郁🧐🧐但係我哋又想試吓羊肉估唔到叫咗之後好有驚喜喎😳我覺得羊肉串燒超好食一啲都唔「蘇」切落去肉質都非常林身🤩🤤我覺得呢個比烤雞更好食😛當然亦都有點配餐廳提供嘅薄荷醬汁 口感更加清新☘️.🍨第一次試「印度雪糕」🤪🤩印度菜食得多但係印度雪糕都係第一次食☺️之前食過中東嘅甜品覺得好甜自己唔係太接受到所以都擔心印度甜品會太甜🤣估唔到有驚喜🤤🤤.印度雪糕 Kesar Kulfi $65Traditional Indian ice cream flavored with saffron and nuts印度雪糕奶

Spice係一間印度Fusion酒吧餐廳，之前已經食過幾次，野食唔錯坐得亦舒服。冇風嘅八號風球無啦啦賺左日假，唔想成日屈喺屋企，近近地黎食個early dinner。因為已經食過幾次，所以盡量揀啲之前未食過嘅野。烤羊肉串燒($140) - 雖然中文譯做串燒，但清真餐館哩類串燒其實係四條羊肉腸。羊肉羶咩唔重，烤完都唔會太乾，食之前吱啲檸檬汁酸酸地幾開胃，就咁食已經夠味，鍾意重口味嘅亦可以蘸啲薄荷醬食。Nachos($115) - 份量唔少，粟米片上面大大pet牛油果蓉、番茄沙沙醬同酸忌廉，再加埋半融芝士，colorful之餘亦好食，兩個人食完都有少少飽肚，如果只係餸酒食，都夠三四個人食。Chocolate Smoothies($60) - 相比起野食，哩度嘅野飲就冇咁抵，不過以尖沙咀黎講都算正常價。朱古力奶昔朱味都可以，奶味唔會過重，口感好滑。Watermelon Juice($50) - 飲得出係新鮮西瓜渣汁，味道唔會太淡。總結，野食選擇豐富，除左印度咖同清真食品，亦有pizza同pasta哩啲大眾化食物，野食性價比較酒水高，就算唔係為飲酒，黎食晚餐都係唔錯嘅選擇。

有朋友推介，去左呢間餐廳食印度菜。未入門口已聽到嘻嘻哈哈的歡笑聲，原來係一班印度人開緊生日會。食物選擇夠晒多，有印度菜同飯、亦有意粉pizza 等西式食品，當然要試下最地道嘅印度主食啦因為我喜歡食羊，就點咗一個 ‘烤羊肉串燒’，羊肉冇羶味，入口鬆軟，配合由洋蔥、紅辣椒醬及香料煮成嘅特式醬汁，非常合襯惹味，配埋印度烤餅食好夾朋友叫咗個 ‘海鮮意大利麵’，有足料魷魚、蝦及青口，意大利麵被紅辣椒汁煮得好入味，質地及辣味啱啱好，份量又夠飽肚 餐廳原來有水煙食，貪新鮮嘅人可以試下呀，有好多種味道選擇有美食之餘又感受到印度人的歡欣喜慶，而且員工好友善親切，下次一定要試更多地道好味嘅印度菜