貴州遵義黔營羊肉粉 (利群大廈)

Open Now

Now Closed

經過水車館街，呢條街短短地，但間唔中都有啲新餐廳係幾好食。見到間舖面幾靚，內籠又好闊落嘅食羊餐廳，望落都幾有風味，於是就一試！🔹羊肉串：因為番唔到大陸食地道美食嘅關係，叫兩串羊肉串過下口癮！串燒唔會燒好耐先上枱，讚！羊肉同羊肥粒梅花間竹咁串均，一口咬下肉粒同肥粒，羊騷味唔會太濃，加埋羊油脂嘅香濃，非常配合！添上孜然粉更是一絕！🔹羊肉麵（加豬肉片）：羊肉夠嫩滑，但就簿左少少，但勝在數量搭夠。麵係自家製，所以特別彈牙同香。濃底更是濃郁而不會搶喉（我飲哂成碗都唔會口渴，貨真價實！）。加埋自製豬肉片，十蚊三塊，豬肉味濃，應該有煎香過嘅，有啲肉紮肉，但更加厚實，值得一食！🔹金菇、蓮藕串串：麻辣燙嘅形式上枱，麻味突出，食落過癮！辣味適當，岩哂大眾口味。加上少量紅油，味道更香更出！加上金菇索汁！蓮藕就夠爽口！食少少過下癮都幾正！㊙️羊肉串！孜然粉加上羊肥粒嘅配合，食到停唔到！

羊肉粉作為招牌，確實味道正宗。只喺份量偏少，羊肉無幾片。夜晚排隊人比較多，要預足夠等位時間。羊肉串，每串12蚊。非常小巧，肥肉偏多，辣味合適，因為肥肉多，所以一口咬下超juicy，只適合鍾意食高油脂食物嘅人。豆腐丸子千萬唔好試，內部豆腐被炸到變黑（喺貴州當地炸出來係嫩白嘅，應該有香濃豆腐味）毫無豆腐味，只剩油味⋯⋯太讓人無言。

今天旺角看電影，便去女人街吃貴州羊肉粉。一点進店，枱也差不多坐滿了。上次来吃了羊肉粉不錯；今次便點些未吃過的品嚐下。羊雜麵（大辣）湯鮮沒有羊騷味，大辣也不什麼辣的。麵有嚼頭。羊雜有羊腸，肝，肺，肚等等，每件都很細小。腸肚脆，肝粉，肺淋淋的吃不出羊味，個人覺得羊肉更實在。芹菜羊肉餃湯頭和麵是一樣的，有十隻餃子，芹菜香，羊味濃，餃子餡料放了陳醋，帶出一點特別香氣，整體好吃。羊肉串羊肉串12元一串，點了六串，每串三粒羊肉丁間着二粒羊脂肪，我觉得肉是油炸的，如果是烤熟應該更香口，但灑上孜然辣椒粉也十分可口。