北口韓國地道小食 (Closed)

這天下著雨，在金巴利街隨意走進了其中一所韓式餐廳。先點了韓式紫菜卷這個韓式壽司，Size比起想像中的小，只有少量瓜類，還配以Wasabi，有點奇怪的配搭吃下味道還算不錯，就是有點淡及過少。男朋友點了烤豬肉飯，即點即製配了一點泡菜及特調醬汁，豬肉吃下過韌，沒有烤豬肉的軟腍，豬肉原味的感覺，必需點醬汁吃，有點失望，但拌著飯也是不錯的充飢韓菜。

呢日7點幾開始係尖沙咀搵食唔覺意就搵到去韓國街…就見到呢間餐廳!!其實次次行過都想去try下, 但成日都好多人, 位爆哂 (因為佢本身間鋪都細, 枱都係得幾張…)今次見冇咩人, d價錢又可接受…就拿拿林入左去講食物之前, 想分享下佢間鋪先~~~佢鋪頭雖然細, 一入去, 左邊一張枱, 同廚房, 右邊直行四張枱.. 咁就完左,又冇咩裝飾, 只係好多韓星poster…但成個感覺好warm.加上間店得4位店員, 1個叔叔, 1個嬸嬸, 1個姐姐, 1個哥哥… 好似成家人咁, 勁有屋企feel!!!好啦好啦~講食物了!!!我地叫左個韓或紫菜卷 ($28), 魚片串x2 ($18@1), 炸餃子 ($28), 韓式涼伴粉絲 ($42), 烤豬肉飯 ($58)哈哈, 佢唔係話特別好味, 但個味就是好地道!!!韓或紫菜卷, 比較細舊, 一啖就可以KO佢.. 裡面有酸蘿白, 同其他蔬菜, 好清涼, D飯軟硬適中, 點埋D汁仲正!!魚片串, 有3片左右, 同韓國街頭果D一樣味! 爽得黎有點”林”, 但又唔似用粉整~ D湯又係要大讚… 佢D湯有D胡椒味,又有D大蔥… 令個湯辣辣地得黎, 又好fresh!炸餃