佐敦咖哩屋 (Closed)

上星期五晚靚女們爽約，唯有約老友去佐敦食咖喱。老友話唔去最出名個間食，佢指個處的咖喱太多洋葱了。所以老鄉提議去係佐敦街頭聽到推銷的佐敦咖喱食咖喱，原來兩老都未嚟過此店食過的。坐低後叫咗個兩人餐，有：串燒雞、咖喱牛、咖喱雞、烤餅及白飯一碟，仲有飲品兩杯，費用為138元。餐前侍應送來兩片好香脆的薄餅，今次食到的咖喱真係好好味，老友亦贊同，亦約定下次再來。

早幾天的重陽節假期，永安大減假當然去掃貨啦，掃完貨後去後面的吳松街搵食，望過對面，咦! 佐敦咖哩......看過餐牌後覺得套餐抵食，同行4人，order了一個3-4人的套餐，$285送啤酒一杯(可order其他飲品) - 全部要中辣唔該評分(1為最低------5為最高)先來一個snack，脆簿餅加一個綠色的sauce，個sauce唔甜唔咸唔辣但好清爽---3分乾煎咖哩魚&咖哩雞 - 呢個菜做得幾好唔會太乾，落多幾滴檸檬汁,更香口---4分咖哩羊肉 - 扯!又話中辣，一d都唔辣，唔知個waitress係咪搞錯左，但完全無羊肉的"so"味，用來送飯或簿餅一流。---4分咖哩牛利 - 都係o個個咖哩汁，但牛利唔會話煮得好"鞋"，但呢個真係中辣啦!係囉，咁先至係咖哩嘛!---4分咖哩豬肉 - 呢個竟離譜左d，直頭係辣大啦，我都食到一頭煙，又係o個個汁，都煮得ok.---3分咖哩雜菜 - 唔會話好辣，好juice下，可以送下飯。---4分烤餅 - 不過不失，一般水準，呢個都做唔好就死得啦!---3分全程連加一好似三百幾，幾個waitress，有的只說英文，有的半中半英，有的只懂英文，半中半英的

之前外賣過烤餅,今晚不知食咩好,想起了烤餅,就去了堂食...不外賣了!叫了個三人套餐:五香雞扒,任選三道菜,二件烤餅,白飯,飲品及餐湯!$229.價錢算OK簡評:五味雞...小辣口感不錯算OK但只得幾"舊"仔,份量很少!;選了咖喱蝦及咖喱羊,羊較好,蝦偏太細隻,炒雜菜算最差的一味,最好的算是烤餅,之後我地仲ORDER左幾件不同味烤餅!整體我個人覺得比不上重慶上的咖喱,因兩道菜,咖喱羊及咖喱蝦,兩種味一樣只是料不同,而我在重慶如果叫四樣菜,佢地可以有四種不同的咖喱,而且味道都比這種的濃及好味道!至於服務也很差....就好似我的小朋友整跌左支叉落地,個侍應在旁邊見倒都吾幫我地更換,要我地開口至換,呢D咪叫做吾識自做自覺囉!地方又太細太迫,下次都係外賣算了!