見見面 (Closed)

呢餐真係好滿意呀好彩早幾日訂定位，我哋一行六人，來自五湖四海，當中有人好鍾意食辣嘢，有人唔食到辣嘢，都幾攪笑。準時七點去到已經好多人，我估冇訂位一定冇得食。店舖位置都算容易搵，不過泊車就冇安排，路邊，開車嚟就自己考慮泊係邊喇。舖仔細細，檯同檯之間有少少逼，都算坐得舒舒服服。呢餐食得好開心，兩個朋友負責叫餸，電子落單，愈叫愈開心，唔知叫咗幾多個餸。另外幾個人掛住傾完全唔知餸名。肯定嘅係，當中有人因為唔食得辣，叫咗兩三樣唔辣嘅餸，烤魚，炒蜆，菜心炒牛肉。上菜都算快，加咗兩次單D餸都好快嚟。食飽就飲吓啤酒吹吓水。三五知己聚餐可以嚟呢度，推介😚

聽講呢一間位於九龍城嘅四川菜味道好正宗，因為老闆娘係四川人，所以味道方面有信心保證，於是就試吓。夜晚八點去到，門口竟然有人等緊，好彩等咗10分鐘左右就有得入去食。四個人我都真係大食，叫咗水煮魚、烤魚、一個雞煲同埋炒咗碟番薯苗，味道真係唔錯，四樣嘢都好好味。烤魚就揀咗魽魚，仲加咗豬紅同埋紅薯粉，估唔到個例牌size比想像中大份，其實佢都係成條魽魚上，不過就揀條細嘅，條魚都幾新鮮，佢個汁都好正，配料好粥，所以好香口好惹味，洋蔥蒜頭芹菜芽菜辣椒馬子芫荽蔥等等非常和味，個紅薯粉索晒啲汁好正，不過個份量就少咗啲，下次應該叫兩份紅薯粉。水煮魚只係咁叫小辣，魚就揀咗桂花魚而冇揀到生魚，因為桂花魚應該滑啲。呢個我哋嗌左半條魚，份量都幾足，因為出邊好多時候我啲魚都係得好少，辣椒就好多，鬧極都鬧唔到魚，呢度就冇咁嘅情況。個辣湯好好味，唔係淨係得個辣字，桂花魚真係好滑，用來做水煮魚都真係唔錯。個雞煲係咁多樣嘢之中最有驚喜，出面真係好少食到咁好食嘅雞煲，啲配料味好香好出，而且唔算太鹹，呢個香辣雞煲真真正正做到又香又辣，有嗰種和而不同嘅感覺，非常難得。炒番薯苗就正正常常啦，不過感覺上油就多咗少少，不過印象中四川