水門雞飯 (汀角路) (Closed)

好耐冇食過呢間大埔嘅水門雞飯，今日同男朋友嚟食晚餐😋店內裝修簡潔舒服，幾有泰國風味🤣兩個人坐相當舒服～首先當然叫咗水門半隻雞 ($108)啦🐔仲配咗雞雜同碗雞湯😆水門雞嫩滑有肉汁，食得出雞香味～雞湯好濃胡椒味，同雞雜一齊食好正😆食得水門雞又點少得雞油蒸飯 ($10)呢😋好鍾意呢度啲飯唔會好爛，粒粒分明，充滿油香，真係好好味☺️另外叫咗四串串燒 ($14/串)，兩雞兩豬，燒得好香但依然保持肉汁～我自己就會比較喜歡雞多啲～私心叫咗個烤麵包 ($16)🤣烤得夠脆，點埋同串燒一樣嘅沙嗲汁，唔會過鹹，但有濃濃嘅花生味😆仲叫咗一個好吸引嘅泰式腩仔 ($52)😄外皮係炸得好酥脆，入面肉質有種甘香感，配埋佢個有泰式香料再辣辣哋嘅汁，又唔會覺得好heavy，反而幾惹味😌最後叫咗一杯熱嘅蘋果雪梨水 ($22)中和返膩感，甜甜酸酸好好飲，仲有啲雪梨同紅棗粒粒添😋埋單每人都只係百零蚊，相當抵食😆

在7月尾，跟一位住在馬鞍山的可愛女生，一起入大埔食飯，找了一間汀角路的泰式餐廳 <水門雞飯>！ 我問咗兩個朋友，都叫我搭307，由上環到大埔，車程45分鐘，15~20分鐘一班車！其中一位就係精通九巴、新巴路線嘅朋友！這裡裝潢簡約舒適！ 最緊要冷氣夠凍！店子上食物超快，落完單，2分鐘都無就到咗個雞飯及飲品！凍香茅特飲 (少冰 )$16當日大約 30~33度，意想不到！大埔嘅陽光真係好猛烈呀！連阿伯都擔遮！沿途行到餐廳，我已經汗流浹背！點了一杯凍飲降溫最好不過！清淡得來帶有香茅的清香，清涼解渴！令我即時降溫！水門雙併炸雞飯 $50除了水門雞之外，還有炸雞！$50 便可以一次過嚐到兩種煮法及口感的雞！前者嫩滑，後者香脆，食出雙重滿足！另有2款汁醬，增添風味！扎肉雞絲金邊粉 $43至於船麵，我們選擇了扎肉雞絲金邊粉！ 湯底清而夠味，金邊粉雪白滑溜，配上扎肉及雞絲，滿載泰式滋味！雞肉串燒 $36即叫即製，熱辣辣香噴噴！真是不容錯過！尤其是甜辣的咖哩汁，更是靈魂所在！烤麵包 $10外脆內軟的烤麵包亦可以蘸上咖哩汁，別有一番風味呢！芒果糯米飯 $58當我們見到芒果糯米飯表面有些黃色粒

去開太和附近探朋友，朋友帶我到這間水門雞飯共聚晚餐，曼谷水門雞飯令人一試回味，所以想先試香港的水門雞飯是否一樣咁好食呢！入到鋪頭就有象仔掛畫，讓食客一睇就知這間是食泰國嘢～首先，我們叫了四條豬肉串燒（$48），這裡幾好的是每串計，想食幾多串可以隨心叫，豬肉串燒燒得很香，食落去肉質鬆軟。另外，叫左串燒加烤麵包（+$10），點上沙嗲醬，香脆美味。秘汁泰式生蝦（$88），這個價錢可以食到泰式生蝦真係好抵食，有6隻大生蝦，每隻都脹卜卜，底倒左綠色的海鮮醬，連埋蒜蓉和辣椒一起食，味道更加野味。主角水門雞飯（$48）來了，去咗骨的水門雞肉是很嫰滑的海南雞，啖啖肉，而且份量都很多，有10多塊，油飯帶有香味，而且還有節瓜湯，相當是平食之選。芒果糯米飯（$58），好大隻芒果，芒果果肉好似飲緊果汁，非常甜，而糯米飯是白糯米飯，椰汁好多，仲有d脆米係椰汁面，味道不錯。芒果沙冰（$18）和菠蘿沙冰（$18），在夏天熱辣辣叫真的好透心涼，尤其是菠蘿沙冰真的有菠蘿果肉。這間又是一間不用收加一的餐廳，非常抵食

2018.06.30 【泰國過江龍 雞飯主題餐廳】食在太和泰國 小妹就未曾去過但水門雞飯的大名就有所聞美食臨立的美食地圖 大埔太和區最近行過就發現了一間主打雞飯的食店不單雞飯主題新鮮 價格親民就連裝潢都大膽用上港人較少用的鋅鐵桌椅豬肉串燒 (3串起) $12/串 加烤麵包$10先來點串燒熱身串燒雖然選擇的款式不多 只有一款但豬肉串亦烤到外表有如炭火燒烤加$10就會有烤麵包 厚切麵包切成小口方便進食兩者沾上微甜的沙爹汁更吸引另外會跟一碟沙律小菜青瓜脆口 加入辣椒絲及紅蔥頭酸辣酸辣挺開胃水門雙併雞飯 $50小店的飯類雖然都是圍撓雞的主題但配搭的自由度都挺高: 單併、雙併、三併當中更有雞內臟選擇而小妹就選擇了雙併: 炸雞及海南雞炸雞雖然談不上脆卜卜 但顏色亦金黃帶點微酥海南雞則口感頗滑 沾上酸甜醬汁更開胃當中特別之處是飯都是以上湯煮成 誠意加分椰青 $32清甜可口 椰肉爽口嫩滑好比頭大 滋潤止渴龍眼水 $16真材實料 不會太甜 性價比高喜歡台式飲料的不仿一試 更健康水門雞飯 WaterGateChickenRice 💌大埔汀角路11號地下🍚 openrice: yee6192004

上網睇見有新餐廳又平又抵食，緊係收藏定先終於有機會試啦星期日晚8:30到要等3，4張枱門口寫試業緊，有牌寫住要排隊，排左陣原來係拿飛我諗可以寫清楚dd等左大概30分鐘，就有位啦（中途1-2人可以即入唔係好明d分流，都有d擔心會唔會等好耐）4個人叫左呢d有d飲品無飲就唔評啦湯無影相，原來全雞都有比兩碗，所以額外叫多碗味道淨飲到胡椒味好唔好味就見人見智啦泰式奶茶都係一貫偏甜同奶味較重主菜有炒通菜，幾爽口，唔辣，有一粒粒類似花生ge野烤麵包menu話同串燒叫平d但我叫個陣無串燒麵包個醬係花生+沙爹醬，少少辣，朋友話係泰式花生醬泰式生蝦：好大隻爽口，個醬少辣，唔知點形容，但點好多都唔會搶左生蝦d味，果然係秘製配菜係苦瓜，友人話爽口+堅苦 水門全雞：雞好滑，頗多雞油，唔算好有雞味，點埋個醬汁就有醬汁味（重點係好多，兩男兩女食到後期覺得好膩，放棄了）雞雜：同水門雞一樣個個汁，無咩特別，唔會想encore下次想再encore 麵包+生蝦同其他野

見到新開張，便叫埋屋企人試下，開頭係好多人要排晒隊，或者係貪新鮮，但你食落就知道食物質素同價錢完全唔值！一，同深水步間水門雞店比較，差天共地，人地仲要好食同平d，同泰國原裝水門雞比，簡直係兩樣野來二，Waiter寫野落野執野，完全亂晒龍，九唔搭八，漏單錯單，我地係度食一餐飯見到晒=_='三，價錢唔平，講真你用50.60蚊，係依條街大把其他選擇，唔需要入來食水皮雞飯講完，無改善的話，相信同一鋪位好快又要易手了