CHiLL-i (Closed)

🍽🍽最近鍾意響觀塘工廈試吓唔同嘅小店，今晚上咗去駱駝漆工業大廈，搵到呢間隱世高質餐廳。餐廳裝修簡約時尚，地方唔算太大，但坐得舒服，好適合幾個朋友食飯傾吓偈。餐牌選擇都好多，入面嘅菜式都幾特別，唔係一般西餐廳嗰啲例牌野。🥑🥑揀咗前菜「焗意大利雜菜玉米片配牛油果醬」，賣相靚之餘，雜菜落咗少少辣椒，配上脆卜卜嘅玉米片同牛油果醬，十分開胃醒神。🦐🦐主菜分別要咗「胡椒焗三文魚伴麵豉浸蘿蔔煎玉米餅」同「麻辣海龍王海鮮意大利飯」。先要讚一讚佢嘅擺盤，真係好有心思，完全係酒店級嘅質素。冇諗過觀塘工廈會有咁有誠意，咁高質嘅西餐廳。🌽🌽焗三文魚整得好味之餘，配搭蘿蔔同埋玉米餅，好有特色，味道亦相當夾。另外要讚吓麻辣海鮮意大利飯，勁多海鮮配料，味道好有層次感，淡淡麻辣味道，但唔會太辣。仲好特別咁用咗銀魚仔炸成脆片，好有心思。🍹🍹飲品方面，叫咗杯招牌特飲「熱情仲夏」，入面有熱情果，菠蘿，紅茶同埋梳打。鍾意佢唔會太甜，感覺好清新。另外叫咗杯「Chill-I x Answer 港式凍奶茶」，茶味好香濃，奶好滑，絕對係我鍾意嘅港式奶茶味道。冇諗過食西餐都可以飲到杯咁正嘅港式奶茶，真係有驚喜😋😋

呢間新開嘅西餐位於駱駝漆大廈，鋪頭睇落冇咩特別，但食物原來都幾出色！┄┅┄┅┄┅┄┅┄𖣒 焗意大利雜菜玉米片配牛油果醬 $68呢個Nachos焗得幾香，芝士唔係好多所以唔借覺得膩，點左牛油果醬好清新開胃。評分：🌕🌕🌕🌖🌑-𖣒 柑橘檸檬味胡椒焗新鮮三文魚 $128呢個好抵食～成道菜有三層，分別係三文魚、白蘿蔔同埋著仔。三文魚超厚身，一咬落去外皮香脆，魚肉juicy。加上蘿蔔索哂魚同檸檬汁嘅精華，咬落去好多汁而且味道好清新。評分：🌕🌕🌕🌕🌘-𖣒 豆豉蒜蓉椒絲忌廉汁燴蜆肉意粉 $118豉椒炒蜆食得多，加埋意粉真係未試過😂 食落好有驚喜，豆豉反而令成個意粉更加香！如果真係整個豉椒炒蜆肉意粉應該會仲正🤣評分：🌕🌕🌕🌕🌑-𖣒 蜂蜜柚子梳打 $38飲落唔太甜，會食到d果肉，仲好靚～評分：🌕🌕🌕🌖🌑-𖣒 棉花糖可可 $43雖然朱古力上面加左棉花糖，但其實飲落甜度都偏低，而且幾順滑👍🏻評分：🌕🌕🌕🌗🌑