Video
Read full review
2018-09-09
110 views
為我記錄下不少食評的手提電腦不止螢幕花花地，仲Memory不足，Keyboard 又失靈，它開始衰老了....雖很不捨得這位 “戰友”，但擔心捱不多久，決意要肥哥買部新的給我作為生日禮物，點知....他話俾佢用緊嗰部我，真孤寒！但好過無啦...幸好他肯千里迢迢送到我家附近，咁就請佢吃返餐答謝。餐廳開放式門口，鮮黃色的門面，好醒神。近門擺放了大型餐牌外，還有部爆谷機和一座雪糕櫃，另一邊仲插滿汽球，充滿歡樂，所以不少小朋友行過都好興奮。走進內裏，一邊是半開放式的廚房，另一邊是用膳區。泊靠設有闊落的四人卡座和一排排沙發座，而中間就設有數張四人枱，枱之間有一定距離，出入方便，亦坐得舒適。每枱都放有餐具、餐碟、餐紙、兩款調味料和餐牌。餐牌分兩份，一是主食，另一是甜品飲品，每版都附有菜式相片，設計精美清晰。主食分別有前菜、主菜、全日早餐、兒童餐、意粉、沙律、意大利粉、飯和湯。甜品有Movenpick 雪糕系列、窩夫山系列、窩夫系列、鬆餅系列、多士磚系列、心太軟系列、木糠布丁系列、雪糕船系列、其他精選和雪山系列；而飲品就有奶蓋系列、特飲系列、花果茶系列、沙冰系列、朱古力、Movenpick咖啡，各類
餐廳開放式門口，鮮黃色的門面，好醒神。近門擺放了大型餐牌外，還有部爆谷機和一座雪糕櫃，另一邊仲插滿汽球，充滿歡樂，所以不少小朋友行過都好興奮。
走進內裏，一邊是半開放式的廚房，另一邊是用膳區。泊靠設有闊落的四人卡座和一排排沙發座，而中間就設有數張四人枱，枱之間有一定距離，出入方便，亦坐得舒適。
每枱都放有餐具、餐碟、餐紙、兩款調味料和餐牌。餐牌分兩份，一是主食，另一是甜品飲品，每版都附有菜式相片，設計精美清晰。主食分別有前菜、主菜、全日早餐、兒童餐、意粉、沙律、意大利粉、飯和湯。
甜品有Movenpick 雪糕系列、窩夫山系列、窩夫系列、鬆餅系列、多士磚系列、心太軟系列、木糠布丁系列、雪糕船系列、其他精選和雪山系列；而飲品就有奶蓋系列、特飲系列、花果茶系列、沙冰系列、朱古力、Movenpick咖啡，各類的選擇都好豐富。***************************
虎蝦沙律
$78
7 views
0 likes
0 comments
先來一客虎蝦沙律 King Prawn Salad ($78)，單單隻巨大的虎蝦 已很吸晴。大虎蝦 開半，既方便進食，又更有睇頭，肉質鮮橙亮麗，爽彈鮮廿味，簡簡單單以鹽提味，不失鮮味，質素佳！雜沙律菜 新鮮爽嫩，還配上青瓜、櫻桃蘿蔔、紫洋蔥，拌入酸咪咪的紅莓乾 和醋汁，選材多變，色彩豐富，亦清新怡人，喜歡！***************************
香草燒春雞
$98
9 views
0 likes
0 comments
肥哥喜歡雞胸，貪佢啖啖肉，而我就喜歡雞脾，貪佢有骨，各取所好，不用爭，哈！燒弄合宜入味，肉質潔白嫩滑，跟雞皮同吃更美味，滑溜兼帶點焦香和香草香，又不肥膩，吃時再蘸上旁邊的燒汁，更好吃。***************************
焗芝士蟹肉龍葵菇
21 views
0 likes
0 comments
又大又厚的啡菇 焗得剛好，既爽口又多菇汁，啖啖菇香，釀了柔軟的蟹肉絲，伴着焗至半溶的鹹香芝士，配搭美味。很喜歡餐廳每道菜式都配啲沙律菜，既健康又可平衡一下油膩感，讚！***************************
芝士蝦球
$42
10 views
0 likes
0 comments
一切開便爆出鹹香的芝士溶，芝味滿分，味道香濃，但蝦球不夠厚身，蝦味就變得有點失色......而蘸上所配備的他他醬 就添美味。***************************
海鮮芝味焗飯
$108
5 views
0 likes
0 comments
唔好俾佢停，繼續eat cheese ，肥哥看中海鮮芝味焗飯 Cheesy Seafood Baked Rice ($108)，熱辣辣，芝香四溢。焗飯是炒飯底，加入雞蛋 和甘荀片，米飯 粒粒分明，乾身而不油膩，拌勻面頭的芝士白汁，芝味十足，亦滋味十足，哈！
海鮮有肉厚的帶子，肉質鮮嫩；有份量的虎蝦，肉質鮮爽；細小的蜆仔，肉質柔韌，三款也不錯，唯獨是青口 味道偏鹹，可惜....***************************
鮮果熱情果奶蓋
$32
10 views
0 likes
0 comments
***************************
熱香橙柚子茶
$42
5 views
0 likes
0 comments
我就點壺熱香橙柚子茶 Orange & Pomelo Tea ($42)用來伴接着出場的甜品。入口微暖，茶色中等，既有茶香，亦有果香。內有幾片鮮橙 和青橘子，還有不少圓潤飽滿的鮮柚子肉，味道酸酸甘甘，開胃解膩，好喝！***************************
栗子忌廉鬆餅伴Movenpick 咖啡雪糕
$80
5 views
0 likes
0 comments
金黃的鬆餅 鬆軟兼有回彈，滿有蛋奶香，每件鬆餅之間塗上層香滑的粟子忌廉，稍稍香甜，味道不算突出....還是喜歡配上雪糕，冷暖交融，咖啡味香濃，美味的配搭！***************************
熱情果芒果雪糕配爆谷
$38
6 views
0 likes
0 comments
------------------------------
雖然今晚揀了四款芝味菜式，但感覺不會好漏滯，因為每道菜式的芝士份量合宜，唔會一味狂加芝士，只有芝士味而失去原味，所以餐廳芝味有分，滋味滿分！
Post
