龍城冰室

Open Now

Now Closed

今日唔食下午茶！食豬扒飯！等左10分鐘，但真係焗到熱辣辣出爐，啲汁仲咋咋聲響，正正子😋因為要湊夠字數，唯有將豬扒飯斬開三件黎講啦😂汁：唔係螢光汁，好重茄膏味，夠曬酸甜夠曬濃👍🏻 咋咋聲好夠熱！👍🏻 芝士味都夠👍🏻飯：炒飯底正！ 仲要碟邊有飯焦！夠曬香口！（不過唔夠脆）碟底都多油，不過冇油點整到有飯焦？豬扒：咸到傻咸到懷疑人生！粉漿又厚！仲要好肥！一啖咬落去軟pat pat,都唔知自己食緊粉漿定肥膏定肉！成個飯最敗筆就係豬扒！😭😭總結：個飯加埋個茄汁真係好香口好夠味！仲有飯焦真係有驚喜！不過個豬扒同飯太油膩，仲要豬扒咁鬼咸，最後太滯都食唔曬。如果豬扒粉漿薄啲同冇咁咸一定會成日黎食！

食左好多餐龍門，今日去發掘下另外一啲黃店茶記～呢間黃藍地圖有admin認證，雖然店內冇文宣之類，但幫老闆賺錢冇咩所謂啦·我成日都覺得一間餐廳好唔好食係建基於個焗豬扒飯正唔正～呢一間用左圓形碟焗，受熱平均，加分🤗豬扒比例熟成度岩岩好，有多啲芝士更好🤪。·黑椒雜扒配薯菜餐size幾豪爽！仲要舊牛真係幾滑下！有驚喜🥳另外，原舊薯仔係大大舊，烚左（不過係焗就更好），配埋沙律醬一流啊🤤佢晚餐會送湯，雖然有d污糟，不過勝在足料👻·避風塘炸豆腐正常發揮🤔不過要讚佢舊豆腐外有薄皮，內有水感，我忍唔住係咁食🤫·冰室黎講，味道算中上，可以再戰😍💛-焗豬扒飯｜$62黑椒雜扒配薯菜餐｜$69避風塘炸豆腐｜$38-龍城冰室 (銅鑼灣)銅鑼灣謝斐道500號維安商業大廈地舖-