Via Tokyo (Closed)

每次食完飯都一定要去食返個甜品先叫完滿，由於天氣太熱所以大家決定去食雪糕涼快下先，只係夜晚大約9點左右已經有好多人等緊位，大約等咗15分鐘左右終於有位了，入到去我地各自叫咗3款唔同嘅雪糕，朋友們好快就揀好想食嘅雪糕口味，不過我揀黎揀去咩囗味都想食，最後叫咗杯3色雪糕窩夫試哂所有味綠茶香濃而焙茶茶味特出，不過最特別係芝麻，因為極重黑芝麻香味又香滑，食埋甜品就真係超滿足啦👏🏻👏🏻

作為一個抹茶控，今次竟然放棄食抹茶味雪糕!每次到VIA都只點純抹茶味軟雪糕，仲要係筒裝然而今次就踏出左第一步，點了焙茶軟雪糕，一樣都係食筒裝。說實話，第一口焙茶既香味已在口中徘徊及溶化，濃郁既茶味亦不苦但帶甘，雪糕份量與價錢成正比，一個平平無奇既焙茶雪糕實在令我驚喜，以後去VIA又多了一個選擇了

平時都經常幫襯銅鑼灣店, 可惜每次去都排長隊, 大部份都係外賣, 今晚同朋友食完晚飯, 順便去尖沙咀分店朝聖, 點知眼見只有兩個人排隊,  我就第一時間跟佢地後面, 好快已經有位座, 店內座位比銅鑼灣多, 亦座得好舒服,  當晚餐牌有焙茶雪糕, 唔需要多考慮第一時間點左先, 因為焙茶在銅鑼灣分店, 只限星期三先會有,焙茶味夠濃, 雪糕亦夠 creamy,  如果唔係晚餐食得太飽, 真係可以 order 多杯, 另外, 店內服務員亦非常有禮貌,