Shari Shari Kakigori House 氷屋 (Moved) New Location

話說我有個朋友住新界，但係成日都會專登走出銅鑼灣食刨冰。我好奇究竟係乜刨冰咁好食，令佢要咁遠水路專登出去食，所以就叫左佢帶我去食啦。呢間係標榜用日本既水做既刨冰，我個人都幾好奇佢點樣運咁多水過黎，同埋同普通刨冰有咩分別。我地三個人叫左兩個刨冰share，我一見到就揀左焙茶味，朋友就揀左士多啤梨味。首先佢刨冰都幾大份下，開頭我有啲擔心佢食到最底會唔會乜味都無，只剩翻冰。但係原來佢個底應該有再落多一層醬，所以我既擔心其實係多餘。先講士多啤梨，佢地話好好食，我就無感，一來我唔鐘意士多啤梨味既甜品，二來我覺得頗甜。跟住就係我揀既焙茶味，呢個就唔同啦！！！茶味濃郁，唔會太甜，仲有幾舊黃豆粉蕨餅最佳配搭！！！雖然我飲既話係比較鐘意抹茶，但係揀甜品既話，一定係揀焙茶味！另外，雖然真係貴左少少，但係久唔久出去食一次既話，唔會太肉赤之餘，食完又可以令人有十分滿足既感覺。

終於黎到依間神級刨冰店朝聖焙茶黃豆粉忌廉味 $95望住店員用刨冰機一層一層刨出羽毛般輕薄既冰，覺得好治癒。店員亦不忘喺中間部分淋上醬，令焙茶醬更均勻分布，係一個細心位❣️望落十足一座圓碌碌既冰山❄️焙茶味唔係得個講字，香郁而濃。忌廉竟然成個打左做黃豆粉味，第一次食到唔係粉狀既黃豆粉，好特別😻仲淋上左黑蜜同配上幾粒麻糬，一啖食曬冰、cream、麻糬，係三重既輕柔感。兩個人share啱啱好🤤依間野絕對有下次🖖🏻見佢仲有啲奇怪味 e.g. 櫻花味、牛油果味，本身驚伏唔敢嗌，但食完依個覺得會有質素保證呀😚💕