金滿都越南餐廳 (Closed)

今晚8點幾未食晚飯，在附近搵些開胃野食食越南野，醒下胃豬扒大大件，好香，河粉夠多，好好食無骨雞腳超好味，酸酸甜甜雞肉鮮甜好滋味，油飯帶香而不膩配上兩杯熱茶～咖啡和檸茶超抵食

放工同媽咪去了屋企附近的越南餐廳食晚飯，餐廳店員非常有禮貌，而且主動快捷收碟及下單，值得一讚。其次食物價錢超值，晚餐全部都是四十蚊起，還包飲品，而且款式不少。越式蝦餅蝦餅外層煎至有韌性，裏面蝦膠肉質彈牙。越式春卷4件春卷以米網包裹，炸至鬆脆，裏面是蘿蔔等素菜，簡單且不油膩。越式火車頭湯金邊粉金邊粉爽滑，配上牛丸、牛栢葉、生牛片等，非常豐富，湯底有淡淡的牛骨甜味。無骨海南雞飯雞油飯味道較淡且不夠香，雞肉已去骨且夠嫩滑，旁邊還有些醃蘿蔔及椰菜。椰汁紅豆冰&椰汁沙冰特飲跟餐全部半價$13，兩杯椰汁味濃郁且甜，前者紅豆煮得很腍且多豆；後者則有椰香。

越南係熱帶地方🌴，長年三十幾度，同香港嘅夏天☀️十分相似，天氣熱辣辣🔥，最啱食越南菜，長沙灣元州商場地下，就有間金滿都非常抵食,大大間正宗越南菜，街坊生意為主，無拘無束，食得特別自在😎。一牒有齊越式蒸粉包、春卷同炸魚餅，作為餐前小點，多姿多彩，平均每件10塊錢，超值呀😝海南雞去咗骨啖啖肉，上湯浸熟件件滑嫩，淋上蔥油已好惹味，黃薑飯份量十足，諗住食唔晒，點知點下薑蓉黑豉油，不知不覺全清三葉就是三種不同的香料，天然香草充滿熱帶風情，用焗爐烤熟效果像極BBQ, 焦脆㚈皮輕易掀開，白滑魚肉仍然冒煙，加幾滴檸汁份㚈醒晨，吃著黃薑飯，有雞又有魚，好豐富的家常便飯😝食飽飽嘆埋兩杯凍飲，椰香少甜，紅豆三色輭綿綿，椰汁沙冰清新舒爽，輕鬆自在又攪掂一餐🤩🤩🤩最愛街坊食堂，格錢公道，晚上九點後仲有七折，確係親民👍👍👍