果子｜海南雞飯·喇沙摻摻 (啟昌樓) (Closed)

叫外賣，海南雞不過不失，最正既係無骨。佢既油飯好出色，感覺好有雞味，而且份量都幾充足。美中不足係無乜配料，只係得青瓜兩舊，食食下覺得有D寡。另外買左個馬拉盞通菜，都有D咸，但不辣的，用黎送番都可以。最後送一杯檸檬薏米水，都幾大杯，算幾有誠意。估計堂食熱食會再好味D。

大埔晚飯於星馬菜的果子，皆因這裏坐得舒服食物亦都唔錯，今次點了軟殼蟹火山包，無骨海南雞飯，串燒拼盤和森巴醬通菜；點噤多菜皆因朋友肚餓，但都真係全部都食曬，勁！軟殼蟹包啲咖哩汁勁好味，用嚟點包就一流啦，啲蝦同蜆都好入味，隻軟殼蟹如果可以炸得脆啲就真係天下無敵；無骨海南雞飯水準一向很好，今次亦都冇例外，最啱我哋呢啲唔鍾意食骨嘅人；串燒拼盤真係有驚喜呀，入面有哂豬牛雞串燒，同埋豬頸肉全部都燒得好淋好入味，當然再加埋星馬沙嗲汁更加好味，事關星馬沙嗲汁係會有花生醬嘅！森巴醬通菜，剛剛好能夠滋潤之前食嘅咁多肉類，當然用來伴菜嘅象啤更能增添晚飯嘅情趣，再加上服務員嘅友善態度，令到這晚食的晚餐變得更完美！

食肆解禁嘅第一個週末到大埔行街舒緩抗疫疲勞， 午膳時間到果子cafe用膳。如果只睇店面會以為果子係一間cafe。但事實上呢間食肆主打星馬菜，而餐廳都有提供多款飲品。一入食肆就覺得位置相當闊落，坐得舒服之餘，足夠嘅座位距離亦令人感到非常安心。是次主食叫咗海南雞飯同喇沙摻摻，加上跟餐小食同飲品。落單後店員會覆重複一次訂單。食物飲品喺落單後五分鐘後就陸續送上。首先送上係小食同飲品。小食叫左炸魚餅同春卷。兩樣上枱時係熱嘅，而春卷更係非常脆口。無⻣海南雞飯雞肉非常鮮嫩，唔會鞋身。雞味亦都頗為濃郁，所以個人比較推薦點薑蓉或甜酸汁，避免雞味被掩蓋。喇沙摻摻喇沙摻摻非常大碗，而且喇沙、黃薑同椰奶味突出。今次光顧埋單平均每人唔使80蚊，東南亞主主菜配小食加飲品黎講，算係物超所值。

喺太和嘅星馬菜，之前都食過幾次，今次自己去快食個午餐。餐廳係喺太和站附近，行過去5-10分鐘倒。餐廳入面都好寬敞，以米色同啡色為主，俾人好舒適寫意嘅感覺。叫咗一份海南雞飯午餐，包一杯嘢飲，再加咗一份小食。點產後大約兩分鐘後就上倒菜，首先嚟嘅係海南雞飯～無骨海南雞飯 🐓（$56）啱晒懶人食嘅無骨海南雞同油飯，套餐入面亦有湯。雞肉非常嫩滑，完全唔會韌！不過雞肉本身係冇乜調味嘅，所以要自己點佢哋比嘅三種調味：薑蓉、酸辣醬、甜醬油。可以按自己嘅口味選擇，個人就中意薑蓉同醬油～熱珍珠奶茶🧋（跟餐+$10）今日嘅天氣有少少凍，叫咗一杯熱嘅珍珠奶茶。不過之前飲過佢哋鋪頭嘅凍珍珠奶茶，覺得熱嘅會比較稀，亦都少啲奶味，所以會推薦大家試凍嘅珍珠奶茶。佢哋仲有唔同口味嘅珍珠奶茶/鮮奶，自己就試過黑糖同埋原味，覺得黑糖最出色！沙嗲雞肉串燒🍢（跟餐+$20）今次食最滿意嘅食物就係串燒，沙嗲汁好香😋 甜同鹹嘅味道亦好平衡，唔會太濃，啱啱好。雞肉亦係唔會韌😋餐廳嘅價錢唔算貴，份量亦都夠，另外鍾意餐廳飲品種類有好多！次次食都好有新鮮感！

-{大埔馬來西亞菜式🥘}又黎大埔覓食喇 今次試嘅餐廳係12點就有人龍😨試吓咩料先🤣🤤香煎豬頸肉喇沙摻摻🤤 ($58)豬頸肉份量都幾多🥰煎到有少少脆邊 首先個湯好濃椰香味 麵質都唔錯😎粒蛋就有啲過熟😂👖褲評: 7/10🤤無骨海南雞飯🤤($56)揀咗普通嘅版本 雞冇乜雞味👀個油飯都唔夠香☹️另外啲醬汁都好普通 水準一般般👖褲評: 5/10🤤一口越式炸芝士波🤤($24)佢有四粒全部細細粒但揸得好酥脆 而且芝士做倒拉絲效果😍依個唔錯😛😋👖褲評: 8/10質素中上 不過唔值得等咁耐🥺如果唔使排都可以一試😛性價比: 7.8/10服務: 7.5/10環境: 7.8/10🚩果子🚩地址:大埔汀角路11-13號啓昌樓地下13號舖 #fuudjai #fuudjai東南亞菜 #fuudjai大埔

我地點完餐三四分鐘後以經開始上菜，速度十分之快，值得一讚👍無骨海南雞飯 $56有白飯同油飯，我就揀左油飯。海南雞份量都幾多，但可能因為放耐左，雞皮有少少韌，不過唔太多肥膏，而雞肉都嫩👍，配埋薑蓉、海南雞醬同豉油食更好味😛。除此之外，佢仲配上一碗清湯，一啖飯一啖湯，又或者整湯飯食都得💁‍♀️，飲完個人都暖笠笠。肉骨茶飯 $56肉骨茶都唔錯，係正宗嘅馬拉味道。湯底有陣淡淡嘅藥材味，唔算太濃。而且入面嘅料都好足，排骨有4、5舊，都幾大舊又唔係太肥～ 仲有雞蛋同幾舊豆卜，啲豆卜吸曬啲湯汁，十分入味😋 再配埋碗白飯一齊食就一流喇👍🏻滿足感max‼️沙爹雞肉串燒 (跟lunch set +$20)推介！！每串既雞肉分量都多，而且唔會燒到肉質柴皮。沙爹醬好足夠，充滿花生味，仲有花生碎粒，唔辣💁‍♀️所以唔食得辣既朋友都食得😛香辣魚餅 (跟lunch set +$15)微辣既魚餅，入面有唔同香料，但香茅味就最出。美褖恐龍 (跟lunch set +$8) 原價 $22成日聽人講美褖恐龍，但今次真係第一次試😆冰鎮美褖再加上未溶解的美祿粉，double美褖，double滿足🤩。甜度啱啱好，而且未溶既美褖粉咬落

今日同朋友黎到哩間果子 Cafe食晚餐，叫左兩個晚市套餐，海鮮喇沙摻摻$68 配熱檸檬薏米水，同無骨海南雞飯（白飯）$64配熱檸水，套餐加$18可配小食，叫左白雲酸辣鳳爪（6件）同絲網春卷（2件）。額外仲叫左沙嗲雞肉串燒（2串）$25。海鮮喇沙摻摻，當中的摻摻係馬來西亞用語，有「兩溝」的意思，指油麵混合米粉的一種粉麵，油麵有口感但係唔吸湯汁，加埋米粉吸收湯底精華，口感、味道可以同時滿足。哩個摻摻賣相唔錯，用料十足，湯底蝦味同椰汁味濃，非常好食！無骨海南雞飯（白飯），奉送有雞湯，雞肉嫩滑，配有薑茸、辣椒醬、甜醬，雞肉沾醬一齊食，非常下飯，醬汁雖然係配角，但係缺一不可！至於小食方面，酸辣鳳爪，鳳爪無骨，醬汁酸辣開胃，非常好食，最後仲追加一份！絲網春卷夠有特色，外有網紋脆皮，內有芋頭等製成嘅餡料，但始終係油炸品，食得多會膩，都係一件起兩件止。沙嗲雞肉串燒的沙嗲醬甜而不辣，內有碎花生增添口感，配埋燒雞肉好好食。呢間餐廳晚市套餐價錢平民化，而且唔收加一，套餐加小食都唔過$100，而且呢度環境乾淨企理舒適，適合朋友聚餐。