阿元來了 (鴻圖道)

Open Now

Now Closed

原本上星期日打算試下呢間「阿元來了」，去到先見大門深鎖，原來呢間餐廳星期日係唔開門！😅今日再接再勵星期六下午六點就到，鋪頭里面已經九成滿，好彩唔使等位就即刻可能入坐。嗌左以下3樣食品試下。阿元滷肉飯$43 滷肉夠肥夠味，送飯一流，對一般男士黎講可能細份d，但價錢ok，可以一試。☺️台東擔仔麵$37肉醬分量唔係好夠，我都係撈埋滷肉一齊食，湯頭味道唔夠濃，面頭浮左一層油，食落有d油。份量都係少左d。😅無骨鳳爪$32因為平時食開都係泰式鳳爪或者酒樓豉汁鳳爪，呢個鳳爪好有驚喜，滷水夠味得黎又爽脆彈牙。最推薦呢樣小食。👍

阿元滷肉飯魯肉偏肥，汁多夠撈飯！配有半隻滷蛋，白菜仔，酸瓜。味道不過不失，無咩大驚喜 💭💭無骨鳳爪好意外，意外地開胃！👏🏻入口竟然有酒香，加上呢個鳳爪係涼拌好好味！台灣黑輪拼盤oh no...普通到不能再普通...似自己係屋企煮就咁水滾淥魚蛋咁黑輪隻味有d似南記d春卷咁上下；中間最大嚿嗰舊係腐皮包龍蝦丸，好怪！蚵仔煎未食過咁難食既蚵仔煎⋯蚵仔無味都算，第一啖入口好似飲左啖水好古怪，水狀既口感🥲發生咩事先d蛋太多。紅薯粉又太少，唔知食緊d咩😭😭😭呢個係奄列黎嘅喂。九份芋圓（凍）好足料！😍😍當中有芋圓+地瓜圓+珍珠+涼粉+紅豆加左奶後甜度適中，夠凍，都多冰芋圓同地瓜圓口感煙韌有嚼勁～QQ彈

哇哇哇哇 終於有機會食呢間台灣菜啦🥺呢間呀元來了係香港開左幾間分店 我今次去既係其中一間分店 位於觀塘工業中心首先睇下有咩食先🤩都幾多野食呀🥳🥳再睇下內在環境先暖暖車站 幾靚wor🥳呢度係收銀站 台灣人好似老闆娘餐具既擺放方式都幾文雅🤪等左咁耐終於到齊D野啦😄呀元滷肉飯首推介 好好味 個肉汁真係好鍾意 俾兩碗飯我都食🥺再來係蚵仔煎 覺得太多粉 用料都足既可惜口感麻麻 但都可以過下口癮😂呢個肉丸 其實就係粉粿來 大大個 冇乜特色 食呢個我不如叫粉果食😂😂無骨鳳爪 台灣直接送 但冇乜味 我都唔知食緊乜 個特色唯一係冇骨😅😅鹽酥雞要叫 即叫即炸 入口香脆可口 擔擔肉汁🥳🥳呢度幾多人排隊 好多人慕名前來 雖然呢度係工廠區 幾偏僻 但都幾多人來排隊 食物驚喜不大 但價錢還可接受範圍內🤪🤪 希望下次去台灣食 味道更正宗☺️