3 CREPEs

Open Now

Now Closed

大角咀名物手工日式可麗餅，不少食客都慕名而來。咸甜款式總共有廿多款可以選擇，除左口味吸引外，賣相都非常吸睛!!最緊要所有可麗餅都即叫即製非常新鮮!! 🍦- 焦糖吉士 HK$48 🍮🍦表面滿滿香甜軟滑吉士醬，再加上燒香脆脆焦糖層非常好食!!最好食係可麗餅皮口感煙韌有彈性，勝過不少坊間小店，直迫日本質素!!食到底層時除吉士醬外亦加入忌廉及花生碎，味道更輕盈又富有粒粒口感，層次豐富!!- 玫瑰荔枝冰茶 HK$30 🌹🍹玫瑰香氣配上荔枝清甜，淡淡茶香剛剛好，冰涼感覺與可麗餅非常合襯!!

最近好想食可麗餅😋 同🐧🐧 buddy 經開大角咀，發現咗依間隱世高質可麗餅專門店❤️ 門口嘅展櫃展示多款精美誘人嘅可麗餅款式，令人心花怒放，超級十五十六🤭 由於光顧人數繁多，店家會先告知大概需要等候嘅時間，並在可麗餅製成後，電話通知客人，十分貼心❤️👍 🐧 㨂咗經典必食嘅焦糖吉士口味😋 表面嘅焦糖燒得焦香薄脆，下面嘅吉士醬幼滑細緻，甜美無比🫶 可麗餅軟熟可口，整體配搭滿分👍👍👍 🐧🐧 buddy 㨂咗佢最愛嘅極濃朱古力口味😋 可麗餅表層潵滿厚厚一層可可粉，滋味濃厚醇香，內裡更驚喜發現美祿脆脆粒，口感極佳🌟 跟可麗餅配了兩杯飲品🫶 美式咖啡順口香醇，唔會過份苦澀，用黎平衡可麗餅嘅甜膩感就啱啱好❤️ 青提梳打好清新勁爽口✅ 解膩消滯一流❣️

早幾日路過呢間舖，記得之前有好幾個youtuber 介紹個呢間嘢， 所以想試，但係見到價錢咁貴，唔係好捨得，喺配喺舖頭附近徘徊咗好耐，到最後都係買咗聲稱好食嘅焦糖吉士。 睇住佢整發現成個crisp裏面都係cream 同幾粒花生。起初都無特別嘅感受 ，但係食食下發現其實我一路食緊一pat嘢，完全冇後感，我食戟一戟好過，價錢都冇唔貴，仲有球雪糕

上幾次係大角咀食完嘢，發現都有好多小店🤩，今次嚟大角咀想食啲甜嘢，離遠見到3 CREPEs呢間鋪出面有堆人係到等外賣👥，行近睇原來係一間日式可麗餅專門店🌯，一於試一試佢啦！3 CREPEs 有賣甜/鹹可麗餅，超過20種款式，即叫即整，非常之新鮮！🤗 最特別嘅係廚房外牆採用玻璃設計，可以見到店長製作可麗餅嘅過程，未食已經令人充滿期待感呀！-焦糖吉士🌯 - HKD 48首先就叫咗呢個人氣焦糖吉士🌯，可麗餅皮拎上手好軟熟，咬落口煙韌得嚟又好有蛋香味😋而經火槍燒過嘅焦糖面好脆好香口，忌廉同吉士醬香滑得嚟仲份量十足呀！🥰每次大大啖食到成口cream真係超有滿足感呀！😆完全唔膩～ 最令人驚喜嘅係食到低仲有啲花生粒🥜，令成個餅嘅味道多咗層次，口感好豐富，作為花生迷食落真係令人回味🤤-柚子蜂蜜冰茶🧋 - HKD 30天氣轉涼飲柚子蜂蜜🧋潤一潤喉嚨😙，冰茶飲落唔會太甜，淡淡柚子味令人覺得好清新，真係一流😎-平時食完飯都好鍾意食少少甜品滿足下😆，今次依間可麗餅味道相當唔錯，即叫即整，新鮮之餘口味仲有好多選擇🤤，如果大家食慣咗甜味，仲有鹹嘅口味可以試下添~ 而店長都相當有禮貌👍🏻， 會同我地介紹下各款可麗餅

-{大角咀人氣crepe 🌯}🤤 焦糖吉士 🤤 ($48)焦糖皮好脆口😍吉士cream同cream者好夠 又唔會膩😚食到底仲有榛子粒 邊咬有陣淡淡嘅榛子味陪襯🤓食到最底都有餡 唔係得返皮😁👖褲評: 8.3/10🤤 手打檸檬茶 🤤 ($28)酸酸甜甜咁 一定要搖下先飲！檸檬味都幾出😇👖褲評: 7.8/10Crepe好高質😍好有日本食crepe嘅風味🥹性價比: 8/10服務: 8/10環境: 8/10🚩 3 CREPEs 🚩地址: 大角咀博學里3號富多來商場一期地下1號舖 #fuudjai #fuudjai甜品 #fuudjai大角咀

呢間3 CREPEs有好多款可麗餅既選擇，有鹹有甜，全部即叫即做，叫完之後等多幾分鐘就有得食，另外如果嗌可麗餅加飲品既話可以有減十蚊既優惠 。覺得佢地飲品同主角可麗餅都好好食！今次試做最多人食既焦糖吉士，下次仲想試其他味！1⃣️焦糖吉士（$48） 可麗餅皮軟熟濕潤帶有蛋香，面頭吉士醬香滑，加上燒完既脆脆焦糖面，好正😍餅皮入面仲包左芝士醬、吉士醬、花生碎，好多層既口感同味道👍亦都冇咁容易食膩。   2⃣️玫瑰咖啡（$34）（飲品優惠-$10） 好靚既飲品❤️本身有顏色分層，咖啡、牛奶、玫瑰糖漿，面頭仲撒左食用玫瑰花，又靚又好飲，而且唔會太甜。 

最近同朋友收工之後去咗大角咀食dinner 途經見到呢間日式可麗餅店💛 記得之前見到好多人推介！忍唔住都買嚟試吓😆🫶🏻佢有好多唔同款式嘅可麗餅 有鹹味亦有甜味～ 我哋今次揀咗Crepe Brûlée焦糖吉士味🍮 另外仲有好多唔同嘅飲品可以選擇！買可麗餅再買飲品仲可以減HKD10添✨✻ Crepe Brûlée焦糖吉士味 HKD48即叫即整 可以望住佢製作嘅過程好治愈～ 上面嘅焦糖好香脆 真係有食緊焦糖燉蛋嘅感覺🍮 内餡有好多吉士同cream多到就嚟滿瀉非常邪惡🤣可麗餅皮整到好出色好好食！ ✻茉莉綠茶 HKD20 (優惠-HKD10)好香茶味🍵 消暑又解渴😆 而且個樽仔好cute cute!🔺

之前睇到唔少foodie 都有推呢個咁crepe 佢有超勁多唔同嘅口味，除咗呢一個焦糖吉士之外，我見到佢個朱古力同埋抹茶都勁吸引。不過可能我對佢嘅期望係以為真係食緊crème brûlée ，咁但係佢個味道一啲都唔似焦糖布甸🍮 最貼近crème brûlée 嘅位，係表面嗰層脆焦糖🙊。入面嘅cream係忌廉芝士味加吉士 都偏甜，濃雲尼拿精油嘅味道🤔🤔🤔。可能啲媒體吹捧得太勁，所以期望太大有啲失望不過crepe 本人幾好食！ 所以如果過開去，我覺得我會想試吓朱古力或者抹茶味😆😆😆

食完叻沙湯麵，過左隔離試呢間聞說用日本麵粉做可麗餅話好似藝術品嘅人氣店！落單時已講明要等半小時！同家姐揀左焦糖吉士$48 share食，入面有cream、吉士、芝士🧀️面層見佢只係用白砂糖火槍燒成，可麗餅皮薄煙韌軟綿，入面三種味道mix埋再加左啲榛子🌰碎粒，增加口感，我平時好少食可麗餅，不過我覺得冇生果冇配料食有啲單調，即係千層蛋糕咁，但千層冇咁摺法食落好似好食啲。總括來說，可以一試，特別推介喜歡食毛巾蛋糕同cream嘅朋友！+$20 叫左一樽士多啤梨🍓冰茶，不錯嘅士多啤梨味！係我日本飲過嘅士多啤梨冰紅茶味😍入面有塊檸檬乾，只係個樽口其大，再浪費要用支飲管，而佢又比支粗飲管😅搞到我飲第一啖噴左出嚟🫣可憐的姐姐