Sweet Craft

Open Now

Now Closed

黃埔不嬲都係美食集中地，唔同種類既美食都可以搵到，同朋友食完晚餐行左一圈就尼到Sweet Craft食埋個甜品，今次叫左三個甜品，焦糖海鹽雪冰、抹茶雪冰同黑芝麻雪糕。焦糖海鹽雪冰係尼度既皇牌，基本上枱枱都會叫，cream加上焦糖脆脆同爆谷，作為焦糖愛好者尼款係必點，下面既雪冰好幼細，仲有好香既牛奶味，成杯雪冰配搭超match，仲有好香滑既焦糖布甸做底。抹茶同牛奶不嬲都係perfect match, 所以尼個配搭係不死既，朋友唔鐘意食紅豆所以走左紅豆，topping有蕨餅煙煙韌韌，濃濃既抹茶雪冰同抹茶布甸，抹茶控應該抗拒唔到。黑芝麻雪糕濃到好似食緊芝麻醬咁，底部有脆脆米可以增加口感。一杯甜品要好味有好味，要美觀有美觀，要口感有口感，咁全能既甜品，唔怪之得會咁多人鐘意尼食

天時暑熱好啱食返杯雪冰~ 睇到YouTuber介紹話好好食，一於過黎試吓！星期六下午去到，排隊等咗15分鐘後入座。見到Menu上寫住焦糖海鹽味係人氣no.1，本身自己又好鐘意食焦糖味嘅甜品，所以就叫咗呢個味，兩個人share黎食試吓。焦糖海鹽雪花冰 $52 😍佢個賣相真係好靚！表面唧咗粒粒既芝士奶蓋Cream，仲有焦糖脆脆、焦糖爆谷～底下係綿滑既牛奶雪花冰，沾上焦糖海鹽醬食，超級好食！食到底仲有驚喜！底層係焦糖燉蛋布丁，口感香濃軟滑！一杯雪冰入面有咁多口感，夾得好好食！😋 呢個甜品值得排隊～😆 下次要一人一杯先得！🤭

黃埔越開越多好嘢食，今日見食Lunch前仲有少少時間，忍唔住先食個Pre-Lunch😂焦 糖 海 鹽 雪 花 冰 ($52)店舖No.1 Best seller 🥇表面鹹鹹甜甜嘅芝士奶蓋Cream，仲有焦糖脆脆、爆谷同雞蛋布甸，撈埋底下刨得幼細嘅牛奶雪花冰食，層次豐富之餘仲唔太甜，成杯甜品都好Amazing！不過要挑剔嘅係焦糖爆谷唔夠脆🫣 同埋Staff個臉口比較西🌚雖側佢地Service麻麻，但由於呢間甜品鋪嘅雪花冰真係比較特別，回頭度仍然十分高👍🏻

豆乳軟雪糕$34綿綿細滑 配上下層的米通脆脆 口感佳 豆味有的 但好易被覆蓋 雪糕綿滑 不過食到最尾米通會偏鹹焦糖海鹽雪花冰$52第一口落去 層層驚喜不斷 一下把焦糖脆脆 芝士奶蓋 雪花冰放入口 味道同口感都一流 個人認為雪花冰的奶味可再重啲 其他都好好👍🏻🤤底層仲有雞蛋布甸🤨不過自己一個食曬就真係有啲膩 特別食到最後😂*個人覺得雪花冰食到最底層後口感有啲奇怪 可能因為已經食晒面層個啲 好食得滯😂😂食到最尾淨係得番啲布甸就好怪*不過大致上都唔錯既係