Video
Read full review
2024-03-09
405 views
最近同朋友慶生explore咗旺角呢間cafe，最引人注目係門口嘅窮撚賣咖啡燈牌🩵店內用餐區分咗一樓同二樓，一樓光線明亮，而且有水泥石枱同石牆影相；二樓就比較安靜同闊落，適合一班人聚餐🥂食物同飲品嘅選擇夠多 而且質素相當唔錯！◽️蟹肉明太子西班牙蛋餅（$98）蛋餅超厚身，切開入面竟然有滿滿嘅蛋汁同芝士😍！蛋餅入面有蟹肉同薯仔粒做餡料，配埋飛魚子粒粒口感同味道都好豐富～至於明太子醬嘅味道就比較淡，個人覺得呢個組合似玉子燒多過西班牙蛋餅，不過相信fusion做法都係餐廳嘅特色嚟嘅～◽️慢煮牛面頰 港式沙嗲汁煎腸粉（$158）沙嗲汁好濃而且超重花生香🥜✨腸粉煎到個邊脆脆地，入口煙韌。牛面頰肉軟冧，配沙嗲汁勁惹味，一行四人都覺得呢碟好有驚喜！◽️法式黃酒油封鴨脾 麻辣奶油意粉（$148）個意粉係真係麻辣㗎唔係講笑🔥食落有花椒嘅辛香，調味頗有川菜風味，同意粉又幾夾喎！而且意粉都好掛汁，忍唔住一啖接一啖咁食🤤油封鴨脾就不過不失，大大隻幾有誠意，肉好嫩滑，但可以更加入味。◽️牛油蒜香大蝦帶子牛油果蓉多士（$108）相對比較classic嘅cafe菜式，但用料一啲都唔hea。蝦同帶子都好大隻而且肉質新鮮，仲用
◽️蟹肉明太子西班牙蛋餅（$98）蛋餅超厚身，切開入面竟然有滿滿嘅蛋汁同芝士😍！蛋餅入面有蟹肉同薯仔粒做餡料，配埋飛魚子粒粒口感同味道都好豐富～至於明太子醬嘅味道就比較淡，個人覺得呢個組合似玉子燒多過西班牙蛋餅，不過相信fusion做法都係餐廳嘅特色嚟嘅～
慢煮牛面頰 港式沙嗲汁煎腸粉
$158
16 views
0 likes
0 comments
沙嗲汁好濃而且超重花生香🥜✨腸粉煎到個邊脆脆地，入口煙韌。牛面頰肉軟冧，配沙嗲汁勁惹味，一行四人都覺得呢碟好有驚喜！
法式黃酒油封鴨脾 麻辣奶油意粉
$148
23 views
0 likes
0 comments
個意粉係真係麻辣㗎唔係講笑🔥食落有花椒嘅辛香，調味頗有川菜風味，同意粉又幾夾喎！而且意粉都好掛汁，忍唔住一啖接一啖咁食🤤
油封鴨脾就不過不失，大大隻幾有誠意，肉好嫩滑，但可以更加入味。
牛油蒜香大蝦帶子牛油果蓉多士
$108
22 views
1 likes
0 comments
相對比較classic嘅cafe菜式，但用料一啲都唔hea。蝦同帶子都好大隻而且肉質新鮮，仲用咗三文魚籽同蒜粒嚟調味。牛油果蓉搽得好厚，仲有粒粒果肉。多士則用咗sourdough，烘得香脆亦唔會好難咬。
是拉差甜酸辣醬炸雞翼
$88
26 views
0 likes
0 comments
大約有8-10隻單骨雞翼，估唔到份量咁多😆雞翼細細隻唔算好多肉，勝在外皮炸得香脆，配是拉差醬微微帶辣好香口，如果醬汁再多少少會更好！
髒髒牛角包窩夫
$72
17 views
0 likes
0 comments
Grind Size嘅必食甜品🥐croffle熱辣辣並灑上滿滿嘅朱古力粉，入口非常酥脆 ，配上溶溶地嘅雪糕超正喔🤤
濃爆72% Real朱古力鮮奶
$56
11 views
0 likes
0 comments
朱古力奶味道濃郁尤其重奶味，甜度適中，口感濃稠但唔漿喉👍🏻
黑芝麻鮮奶
$52
12 views
0 likes
0 comments
鮮奶同黑芝麻醬係分開serve，比客人自己adjust濃淡度
朋友表示味道淡咗啲🥹建議一開頭唔好落咁多奶住
焦糖燉蛋咖啡
$46
16 views
0 likes
0 comments
好似越南蛋咖啡，賣相好靚仔，朋友表示好飲！
Post
