I Love 戟 - 班戟專門店

Open Now

Now Closed

近排pancake🥞癮起，專程嚟到筲箕灣試試呢個好出名📸嘅焦糖燉蛋雪糕pancake，可能正值中午時分嚟到（一點），所以冇咩人排隊🧍🏻‍♀️🧍🏻，等咗五分鐘就有喇！表面既🍯焦糖好脆而且有啲厚，搞到有少少癡牙🦷，而燉蛋好濃蛋味仲好滑，食完焦糖燉蛋，接着就係雪糕同忌廉，我揀咗椰子味雪糕🥥🍨，同啲忌廉用埋一齊，食嘅時候完全分辨唔到，不過雪糕嘅椰子味唔太重，忌廉都好滑，而pancake皮略為淡味，整體嚟講，可以值得一試！🉐另外值得一提係當日天氣太熱🌞，雪糕好快溶，搞到pancake個底濕晒💧，好彩包裝紙夠厚冇漏，不過都係建議要快食😬。

📍筲箕灣 I Love戟-班戟專門店𓇠 焦糖燉蛋雪糕班戟 $32𓇠I Love㦸以前係太安樓都超出名，但一直未試過🙈好彩之後喺東大街重開(係印尼沙嗲屋隔離) 所以食完安利魚蛋河就去咗買pancake🥞 小店賣嘅食物都幾多，除咗pancake，雪糕之外，仲有千層蛋糕同台式飲品🤩(等緊個陣都見到好多街坊買嘢飲，應該唔差🤔)一場嚟到，緊係要買招牌嘅焦糖燉蛋雪糕班㦸！因為驚太甜，所以我揀咗豆腐雪糕🍦(仲有其他雪糕口味)呢款會插咗隻匙羹比客人，但其實焦糖燉蛋表面係脆同硬硬地，所以都係要食咗塊焦糖先用匙羹𢳂啲蛋嚟食🍮焦糖燉蛋比較甜，所以食到中間有豆腐雪糕時就覺得好夾！😌所以建議大家揀啲無咁甜嘅雪糕口味(E.g. 椰子/雲尼拿/海鹽)PS 幫襯會送一張coupon，可以$5換購4球雪糕，無到期日架😎

是夜到筲箕灣晚飯，飯後甜品揀左呢間I love 戟 – 日式班戟專門店，其實想試好耐，今晚終於有機會試到！每次行過都好多人潮，今晚早左食完晚飯，終於冇咁多人排隊啦～I love 戟主打焦糖燉蛋雪糕班㦸，底部有一球自選口味嘅雪糕。雪糕方面都有好多選擇，我就揀左沖繩海鹽味~班戟即叫即製，煙煙韌韌，充滿蛋香，焦糖燉蛋表層金黃香脆，燉蛋軟滑甜美，質感滑溜，中間仲有木糠同忌廉，底層有沖繩海鹽味雪糕，口感層次豐富，正！

下午1時多到筲箕灣食晏，發現 I Love 㦸 強勢回歸，但未開門！吃過午飯，她仍然未開門，又沒有貼出營業時間。在附近逛一會兒，至2時再回去看看⋯⋯開門了 價錢好像和以前差不多。雪糕味道選擇就多了很多呀！立即買個 焦糖燉蛋雪糕班㦸 配芝麻雪糕班㦸皮好香，包著焦糖燉蛋、忌廉、木糠和雪糕，口感豐富 再加個 木糠布甸雪糕班㦸 配荔枝雪糕排後面的小女孩好可愛，又想吃香蕉味，又想吃oreo味，媽媽每問她一次，答案都不同，真的很難抉擇啊 哈哈